Nambu wa Rainbow Wu Koxa Vutomi Bya ‘Trainee Sangoma’

Share the News

Sangoma wa malembe ya 25 hi vukhale u lahlekeriwe hi vutomi bya yena endzhaku ko nwela enambyeni wa Rainbow.

Mhangu leyi yo biha yi humelerile eMajembeni Trust ekusuhi na le Bushbuckridge hi Sonto loko vadyondzi vanharhu va xinuna na n’anga ya ndhavuko ya xisati va hlengeletanile enambyeni ku endla minkhuvo ya vona (Ritual).

Kuya hi muvulavuleri wa maphorisa ya Xifundzhakulu Colonel Donald Mdhluli, un’wana wa lava a va twasela kuva tin’anga ku vikiwa leswaku u lahlekile endzheni ka mati hi nkarhi wa nkhuvo (Rituals).

“Hambi leswi va nga endla matshalatshala yo lavana na loyi a nga lahleka ematini, ntlawa lowu a wu swi kotanga ku n’wi kuma,” ku vula Muvulavuleri wa Maphorisa Colonel Donald Mdlhuli.

“Mhaka leyi yi vikiwile emaphoriseni, leswi nga endla leswaku Maphorisa ya sungula ku lava ntsumbu wa muhlaseriwa, naswona swi va tekerile tiawara tinharhu ku kuma ntsumbu,” ku engetela Kolonele Mdlhuli.

Colonel Mdhluli u boxe leswaku, Maphorisa a ma kumanga timbanga leti vonakaka eka ntsumbu wa muhlaseriwa.

“Kambe dokheti ya vulavisisi yi pfuriwile tani hi leswi maphorisa ya sungulaka vulavisisi eka swiyimo leswi rhendzeleke mhangu leyi yo vava,” KU engeta Mdlhuli.

Mathunse Hlukani

Hlukani Mathunse is a talented journalist and media professional with a passion for storytelling and community engagement.

Leave a Reply

Your email address will not be published. Required fields are marked *