Vuyelo bya Mpfula ya El Niño na Nkucetelo wa ku Cinca ka Maxelo
El Niño, xiendlakalo xa maxelo, xi na vuyelo byo hambana-hambana eka swivumbeko swa timpfula,tani hilaha swi kombisiweke hakona hi mutivi wa swa maxelo Eunice Koench.
Switandzhaku swa timpfula swa hambana hikuya timdhawu takona, eka timdhawu tin’wana timpfula ti tiendla leswaku kuva na swakudya kasi ku n’wana tionha swibyariwa hambi kuri vutomi bya vanhu.
Koench u kandziyisa leswaku, ku langutela ka ku cinca ka maxelo hi karhi wa El Nino ka tlakuka hi nhlayo na matimba.
“Ku twisisa nkucetelo wa El Niño eka mpfula i swa nkoka swinene eka miganga leyi hi tshamaka eka yona, tani hileswi swinga ha endlaka leswaku hi hlangana na mintlhontlho yo hambana ya ku cinca ka maxelo,” ku vula Eunice Koench.
“Ku engeteleka ka mpfula swinga va nkateko eka tindzhawu leti nga ni dyandza, tanihi leswi mpfula ya matimba yi nga ha tataka swihlovo hi mati xikan’we naku seketela migingiriko ya vurimi,” a engeta.
“Hambiswiritano, mpfula yo tala yi nga tlhela yi vanga ndhambi ni timhaka tin’wana leti fambisanaka na swona,” ku engeta Koench.
Eka ndhawu leyi maxelo ya tshamaka ya kha ya cinca, i swa nkoka ku tshama u ri karhi u langutisa maxelo ku vona swiendlakalo leswi swa ha taku.
