Wanuna a dlaya Wansati

Hi Themba Chauke

Maphorisa ya le Botlokwa, exifundzenitsongo xa Capricorn, ya khomile wanuna wa malembe ya 35, hi nandzu wo tlhavetela xikan’we no dlaya Wansati wa malembe ya 34 hi siku ra 26 Dzivamusoko 2025, emugangeni wa le Dikgolaneng.

Maphorisa ya tivisiwile hi ta mhangu leyi endzhaku ka loko Wansati a hundzile emisaveni hikokwalaho ka timbanga leti a ri na tona endhawini ya vutshunguri ya le kusuhi laha a amukeriwile kona na timbanga to tlhaveteriwa exifuveni.

Nandzu wo dlaya wu pfuriwile naswona vulavisisi bya maphorisa byi sungurile xikan’we-kan’we. Muehleketeleriwa u ve a hlotiwa a tlhela a khomiwa endzhaku ka mhangu leyi.

Vulavisisi bya masungulo byi kombisa leswaku mutwisiwakuvava na muehleketeleriwa va voniwile va ri ekufambeni swin’we hi vaaki loko muehleketeleriwa a nga se hlasela Wansati loyi a dlaweke hi nchumo wo tontswa.

Xandla xa mukhomixinara wa maphorisa ya xifundzhankulu xa Limpopo, Major-General Samuel Manala, u hoyozerile maphorisa kuva va kotile ku khoma muehleketeleriwa. “Maphorisa ya tiko ya tiyimiserile ku tiyisisa vuhlayiseki bya vaaki hinkwavo, naswona hi kombela vaaki ku ya emahlweni va tirhisana na hina ku lwisana na vugevenga,”kuvula Major-General Manala

Muehleketeleriwa u languteriwa ku tivonakarisa emahlweni ka Khoto ya Majisitarata wa Morebeng namuntlha ku nga ti 29 Dzivamusoko 2025, laha a nga Languta nandzu wo dlaya.