UL YI RHURHELA VALAVISISI VA MATIKO MAMBE

Hi Mapula Glashy Makoto

Yunivhesiti ya Limpopo yi rhurhela valavisisi ku suka ematikweni ya misava vhiki leri ku burisana hi vutivi bya ndhavuko, tisisitimu ta swakudya, ku cinca ka maxelo, tifanelo ta vanhu na nhluvuko lowu hlayisekeke.

Nongonoko lowu wu sungule hi ti 31 ta Mhawuri naswona wu ta fika emakumu hi ti 10 ta Ndzhati 2026. Nitrho lowu wu katsa migingiriko leyi nga ta va kona eLimpopo na le Gauteng. Nongonoko lowukulu wu endliwile tanihi dyondzo ya mani na mani hi Ravumbirhi, 02 September 2026, eHolweni ya Nhlengeletano ya R40 eUL ku sukela hi awara ya khume ku fikela hi awara ya khume-mbirhi.

Dyondzo leyi yi kongomisa eka nawu wa matiko ya misava, vutivi bya ndhavuko, tisisitimu ta swakudya na ku sirhelela tifanelo ta vanhu. Phurojeke leyi yi rhangela hi Prof Ashwell Ndhlala naswona yi languta hilaha vutivi bya ndhavuko byi nga seketelaka maendlelo ya maxelo na mahanyelo lama hlayisekeke.

Swivulavuri swa nkoka swi katsa Judith Bueno de Mesquita na Prof Karen Hulme ku suka eYunivhesiti ya Essex. Prof Duduzile Grace Mbajiorgu wa le UL u ta hlamula hi kuya hi langutelo ra nawu wa laha Afrika-Dzonga.

“Dyondzo yi pfulekele swichudeni, valavisisi, vaendli va tipholisi, vakhomi va vutivi bya ndhavuko na vaakatiko,” ku vula yunivhesiti. Nongonoko wu ta tlhela wu endzela vaaki va le Limpopo, Pitori na le Joni, ku katsa na ku endzela Muziyamu wa Xihlawuhlawu na mihlangano ya nkoka.