Nhlengeletano yo Sungula ya Vurhangeri Byintshwa

Hi Themba Chauke

Vandla ra ANC aka Xifundzhantsongo xa Norman Mashabane a ri khomile nhlengeletano yo sungula hi siku ra 21 Mudyaxihi 2025, ku landzela nhlengeletano yo hlawula vurhangeri leyi a yi ri kona hi siku ra ti 09 ku fika eka ti 11 Mudyaxihi 2025 endhawini ya vuwiselo ya Karibu.

Muvulavuleri wa vandla ra ANC eka Norman Mashabane, Hasani Peter Ngobeni, u vurile leswaku vurhangeri bya xifundzhantsongo byi amukerile xiviko xa vandla lexi a xi kombisa hi vuenti mbuyelo wa nhlengeletano yo hlawula vurhangeri xikan’we na ku tumbuluxa tikomiti.

“Vurhangeri byi khensa ku tiyisela, ku tikhoma kahle xikan’we na ku kombisa nhlonipho hi varhumiwa lava a va ri kona eka nhlengeletano yo hlawula vurhangeri bya Vunkaye bya ANC eka xifundzhantsongo xa Norman Mashabane,” ku vula Ngobeni, loyi a vuleke leswaku nhlengeletano yi tlherile yi khensa vuleteri bya le henhla na vurhangeri bya vutlharhi lebyi kombisiweke hi vurhumiwa bya ANC kusuka eka xifundzhankulu hi ku rhangeriwa hi Mavhungu Lerule-Ramakhanya, Ngobeni u yile emahlweni a vula leswaku nhlengeletano leyi yo sungula yi kotile ku tumbuluxa tikomiti ta xifundzhantsongo xikan’we ni tikomiti ta swifundzha ku pfuneta
ku yisa emahlweni migingiriko ya tipolitiki na ntirho wa vandla.

Kasi vurhangeri lebyi byi tlherile byi teka xiboho xo engetela swirho swimbirhi leswi ku ya hi vandla swi vuriwaka swi ri na nkoka swinene eka vandla leswi swi nyikiweke vutihlamuleri byo rhangela migingiriko ya Nhlawulo wa Miganga wa 2026, leswi swi katsaka Lucky Mohlala na Julia Nyathi. “Lavambirhi, va ta na ntokoto wo fuwa, vutlhari
xikan’we ni vuswikoti eka vurhangeri,” ku themendhela Ngobeni Loko a gimeta, u kombisile leswaku vurhangeri byi amukela Ponani Makhubele, tanihi xirho xa vandla ra ANC endzhaku ko sukela vandla ra MK.

“U tsundzuxiwile ku ya eka rhavi ra vandla ra ka vona, leswaku vuxirho bya yena byi ta pfuxetiwa kona. Vurhangeri byi tlherile byi lerisa leswaku Matsalana wa Xifundzhantsongo a hangalasa xiviko lexi hetisekeke xa mbuyelo wa nhlengeletano yo hlawula vurhangeri eka marhavi hinkwawo ya xifundzhantsongo leswaku va ta hlaya na ku teka magoza,”

Kasi Xifundzhantsongo xa Norman Mashabane, na Xifundzha xa Markshope, va ta va va rhurhela Siku ra Afrika ra xifundzhankulu hi mugqivela wa ti 24 Mudyaxihi 2025. Ntirho lowu wu ta khomeriwa eHolweni ya Vaaki ya Lenyenye laha ku hlohloteriwaka swirho swa vandla ku va kona eka ntirho lowu.

Tikomiti leti ti hlawuriweke ti yimile hi ndlela leyi Komiti ya Vurhangeri bya Xifundzhantsongo: Pule Shayi; ⁠Dagma Mamanyoha; Sonia Ngobeni-Maswanganyi ; Tsheko Musolwa; Sydwell Mabunda ; Thandi Zitha;⁠ Magdeline Lewele; Dikeledi Mmetle; Sophia Magomane ; Basani Shibambu; ⁠Masilo Maloko; Maria Mokgwathi; Peter Ngobeni.

Vurhumiwa bya Vuhlanganisi bya Swifundzha: Markshope-Basani Shibanbu; Giyani- Lucky Mohlala; Letaba-Blantina Rakganya; Phalaborwa-Cedrick Baloyi; Maruleng – Samuel Mothomogolo. Tinhloko ta Tikomiti: Mululamisi na Mapfhumba Oliver Mabunda; Dyondzo ya Tipolotiki Ernest Mboweni; Ntlakuso wa Nhlangano Tsheko Musolwa; Vuhlanganisi na Vuhangalasi bya Mahungu Peter Ngobeni; Timhaka ta Ikhonomi Joyce Mahlo; Huvo yo endla Milawu na Mfumo Dagma Mamanyoha; Timhaka ta Vaaki Sasavona Mathebula; Dyondzo na Rihanyo Thandi Zitha; Swa Timali Sydwell Mabunda; Kurhula na Ntshamiseko Monet Mabaso; Nhluvukiso wa Vaaki; Dipuo Thobejani; Matihomelo Rosina Ramalatso; Vuxaka bya Matikomambe Magdeline Lewele