Limpopo Poison, Yi vuyile- ku vula Mayengani, Rhangani na Shirimani
KA-GAZA – Eka xitiviso lexi a xi languteriwile ngopfu, vayimbeleri va Xitsonga va ndhuma Dr Joe Shirimani, Benny Mayengani, na Prince Rhangani sweswinyana vatiyisisile mahungu yo tsakisa ya leswaku ntlawa wa vuyimbeleri bya Xitsonga lowu rhandzekaka ngopfu, Limpopo Poison, wu vuyile.
Ku hlangana loku ku pfuxe ntsako lowukulu na ku hiseka eka vaseketeri lava a va rindzele ku vuya ka vona hi mahlo-ngati. Kusukela hi 2011, ntlawa lowu wu nyikile varhandzi va vuyimbeleri bya xitsonga tinsimu to tsakisa hambi ku ri ku kumba timbilu ta vanhu vo tala.
Kambe exikarhi ka malembe ma 2014 na 2015, Limpopo Poison yi hlanganile na mintlhontlho leyi yi nga endla leswaku Benny Mayengani na Prince Rhangani va suka va ya sungula ntlawa wa vona lowu va wu thyeke leswaku Black Poison.
Ku hambana ka vona, a ku nga languteriwanga naswona ku vavise vaseketeri lava a va rhandza ntlawa lowu, naswona ku hambana ka vona swicicile vuyimbeleri bya xitsonga hi ndlela yo chavisa.
Kasi loko ku ri Joe Shirimana na Team Shirimani va sarile va khoma kutika tanihi leswi a va hamba va hoxiwa hi swikotela na mabondlhela loko vari karhi va nyanyula va seketeri eka ti mintlangu yo tala.
Leswi a swi tiveka tanihi shutdown xikanwe na papa ra swikotela.
kambe sweswi, Xitiviso lexi endliweke hi vayimbeleri lavanharhu lava nga na ndhuma swinene xi rhumele magandlati yo chavisa ya ku langutela eka tipulatifomo hinkwato ta swihangalasamahungu.
Vaseketeri va kombisile ntsako wa vona hi ku hiseka, no rhumela mavonelo xikanwe na marungula ya nseketelo.
Loko mahungu ya ku hlangana ka vona nakambe ya hangalaka ku fana na ndzilo wa nhova, vaseketeri va rindzerile hi mahlo-ngati ku humesiwa ka vuyimbeleri byintshwa ku suka eka ntlawa lowu wa Limpopo Poison.
