Mafuyatha FC Yi Hambana na “Star Striker”
MAKULEKE – Xipano xa Mafuyatha FC xi tiyisisile ku hambana na muhlaseri wa yona wa khombo Ento D “Haaland” Maluleke, loyi a nga ta joyina xipano xa Shumba FC eku heleni ka nguva leyi.
Mahungu lawa ya siye varhandzi va xipano xa ka Makuleke va ri na ku vilele tanihi leswi muntlangi loyi a tala ku tisa tsako eka vaseketeri hiku kora ti bolo to endla leswaku xipano xi hlula mimphikizano yo tala.
Mutshamaxitulu wa Mafuyatha FC, Mr. Shivambu, u kombisile ku khensa ka yena eka Maluleke, a ku, “Hi n’wi navelela leswinene na ku n’wi khensa eka ku hoxa xandla ka yena lokukulu eka Mafuyatha”.
” Maluleke u vile xiphemu xa nkoka xa xipano xa hina, naswona matirhelo lawa yo hlamarisa ya wena ya vulavurile eka xipano,” ku engeta Shivambu.
Vutshilabya Maluleke e rivaleni byi vonakile hi nkarhi wa mphikizano wa Mpho Mathoho LFA knockout, laha a nga kuma sangwadi ra mutlangi loyi a nga kora tibolo to tala.
Shumba FC, hi tlhelo rin’wana, sweswi yi phikizana eka ligi ya SAB, naswona ku engeteriwa ka mutlangi wa xiyimo xa Maluleke handle ko kanakana swi ta tiyisa xipano xa vona.
Mafuyatha FC na Shumba FC havumbirhi bya vona va xiximiwa swinene endzeni ka rivala. Loko nguva yi sungula, Mafuyatha FC handle ko kanakana yi ta va yi ri eku laveni ka loyi a faneleke ku siva Makuleke.
Hi nkarhi lowu fanaka, vaseketeri va Shumba FC va langutele hi mahlo-ngati ku fika ka musayini wa vona lontshwa. Ku engeteriwa ka Maluleke eka xipano xa vona swi engetela khombo leri va nga na rona loko swita ka ku hlasela.
