Muyimbeleri wa Ndhuma U Langutana na Swihehlo swo Tika
Lebowakgomo – Muyimbeleri wa ndhuma Lehlogonolo Chauke, loyi a tivekaka ngopfu hi vito ra Shebeshxt, u languteriwile ku tlhelela ekhoto ya majistarata namuntlha, Mawuwana 12, 2023.
Chauke u langutane na swihehlo swo tala swo tika, ku katsa na ku ringeta ku dlaya, ku hlasela, ku onha nhundzu, na ku humesa xibalesa.
Kuti vonakarisa ka yena, ekhoto namuntlha ku ta fungha nkarhi wa nkoka eka nyimpi ya yena ya nawu, laha swihehlo leswi a hehliwaka ha swona swi nga na vuyelo byo tika.
Xihehlo lexikulu swinene lexi a hehliwaka hi xona i ku ringeta ku dlaya. Vuxokoxoko lebyi rhendzeleke xihehlo lexi a byi seva erivaleni eka karhi wa sweswi.
Ntlawa wa swa nawu wa Shebeshxt wu ya mahlweni wu tshemba leswaku Chauke u ta phunyuka ka swihehlo hikwaswo leswi a hehliwaka hiswona, Kasi loko ku ri vaaki va rindzele hi ku hiseka xiboho xa khoto eka nandzu lowu.
Vaseketeri votala va kombisile nseketelo wa vona eka mutshila loyi, va tshaha nyiko ya yena, ya vuyimbeleri na swilo swo tala leswi vanwi tivaka hiswona.
Loko ku tengiwa ka nandzu ku sungula, mahlo ya tiko ma ta va ma langute khoto, leyi, ku vona leswaku ndzima leyi ya vutomi bya yena yi ta humelela njhani.
