Ku buluka ka Mugodi swi onha Mimiti ya Vaaki

Hi Ravunharhu leri nga hundza, ku buluka ka Mugodi wa maribye wa Shamiriri emugangeni wa le Bambeni, eKa-Dzumeri, hi matimba ku siye mindyangu ya 18 yi nga hari hava mafasitere.

Vanhu lava tshamaka emigangeni wa ka Shamfana na Bambeni va fananisa ku buluka lo ko chavisa swinene, na xihahampfhuka xa nyimpi lexi hoxaka tibomo.

Mpho Phasa, un’wana wa vaaki, u avelane na vateki va mahungu hi ndlela leyi ku buluka ka xitshuketa ku khomeke vaaki vo tala lava a va nga ehleketangi nchumu, hambi ku ri ku va siya va ri na ku chava no hefemula hi ndlela yo ka yingari kahle.

Khombo ra kona, kuvikiwa leswaku vaaki va le mugangeni lowu nga ekusuhi na mugodi va kume xilemukiso mayelana na ku buluka loku hi siku leri swi nga humelela ha rona.

Mutivi wa vuhlayiseki Mahlatse Setipa u kandziyisile nkoka wo nyika xitiviso xa le mahlweni eka vaaki, tanihi leswi ku buluka ku nga khombaku vaaki hi ndlela yo biha naku endla khombo.