Wanuna a Dlayiwa eGiyani

GIYANI – Maphorisa eGiyani ya le ku laveni ka vaehleketeriwa vambirhi va nga tivekiki naswona ku tshembiwaka leswaku va duvurile no dlaya wanuna wa makume ntlhanu mune wa malembe hi vukhale exifundzheni-tsongo xa Mopani.

Hi Ravuntlhanu, Nhlangula 13, 2023, kwalomu ka awara ya 8:50 PM, Maphorisa ya le Giyani ya lumiwile ndlheve hi mhangu leyi emugangeni wa ka Nkanu ekusuhi na Mageza Complex.

Loko Maphorisa va fika endhawini ta mhangu, va kume wanuna loyi a nga na swilondza swa xipalesa, naswona u tiyisisiwile kuva a hundzile emisaveni endhawini ya mhangu hi vatirhi va xilamulela-mhangu.
Vulavisisi bya karhi nyana byi kombisa leswaku vaehleketeleriwa vambirhi va duvule muhlaseriwa ivi va baleka, va siya tikhathirijhi leti tirhisiweke.

Xivangelo xa ku duvuriwa ka muhlaseriwa a xi se tiveka, naswona vuxokoxoko bya mufi byi ta paluxiwa endzhaku.

Khomixinara wa xifundzakulu wa maphorisa eLimpopo, Lieutenant General Thembi Hadebe, u kombela vaaki lava nga na vuxokoxoko byihi na byihi lebyi nga pfunaka ku khoma vaehleketeleriwa eka nandzu lowu va ya vika emaphoriseni.