Khombo Ra Ku Dzaha Fole

Ku hanya vutomi lebyinene i swa nkoka naswona vanhu va fanele va tiva na ku twisisa vuyelo byo biha lebyi vangiwaka hi ku dzaha na hi nwa byala hi ndlela ya vusopfa.

Ku dzaha fole i yinwana ya mukhuva lowu vekaka rihanyo ra munhu ekhombyeni lerikulu, naswona ri nga endla leswaku munhu a va na mavabyi yo hambana hambana yo fana na Mfukuzani ya mahahu, vuvabyi bya mbilu, na ku tikeriwa loko swita eka timhaka ta ku hefemula.

Tikhemikhali leti nga ni chefu leti kumekaka eka fole a ti vavisi mudzahi ntsena kambe ti tlhela ti khumba hi ndlela yo biha eka lava va nga tshama ekusuhi na munhu loyi a dzahaku tanihi leswi musi wu hangalakaka na ndhawu hinkwayo.

Mimbuyelo Ya Ku Tshika ku dzaha

Ku tshika ku dzaha swi na mimbuyelo ya kahle swinene eka rihanyo ra munhu loyi a ha hamba a dzaha, tanihi leswi vulavisisi byi kombisaka leswaku Ku nga si hela masiku ma nga ri mangani ntsena endzhaku ko tshika, mpimo wa okisijini emirini wu sungula ku antswa, leswi endlaka leswaku munhu waloye a kota ku endla vutiolori hi ku olova.

Naswona Ku tshika ku dzaha swi tlhela swi hunguta Khombo ro khomiwa hi mavabyi lama fambisanaka ni ku dzaha fole, naswona rihanyu ra munhu ri tlhela ri va ka xiyimo xa kahle swinene.

Hambileswi ku nwa byala hi ku ringanela swi nga riku na khombo, kambe ku nwa ngopfu ni ku nwa nkarhi na nkarhi swi nga vanga swiphiqo leswikulu swa rihanyo eka wena. Vulavisis byi paluxa leswaku Ku nwa byala hi ndlela yo biha [ku tshamela ku dakwa] swi nga onha xivindzi, ku khomiwa hi vuvabyi bya mbilu hambi ku ri rihanyo ra mianakanyo.

I swa nkoka leswaku vanhu va twisisa mpimo lowu ringanyetiweke wa byala naswona va papalata ku nwa ngopfu, leswi nga ni makhombo lamakulu eka rihanyu ra vona.

Lava Nseketelo

Ku cinca mikhuva yo tanihi ku dzaha fole kumbe ku nwa byala ku tlula mpimo swi nga va ntlhontlho swinene kambe loko munhu a kuma kumbe ku lava nseketelo eka vanghana, ndyangu kumbe mintlawa ya nseketelo swi nga nwi pfuna ku hunguta hambi ku ri ku tshika.

Naswona a nga kota ku endzela tindhawu ta le kusuhi leti ti nyikaka vukorekeli byo fambelana na ku pfuna vanhu ku tshika ku nwa byala hambi ku ri ku dzaha fole.

Hi ku lemukisa hi makhombo ya ku dzaha fole ni ku nwa byala ku tlula mpimo, vanhu va nga endla swiboho leswi nga ni vutivi leswi rhangisaka rihanyo ra vona. Ku tshika ku dzaha fole ni ku nwa hi vutihlamuleri swi hoxa xandla eka vutomi lebyinene, swi hunguta khombo ro va ni swiyimo swobiha swa rihanyo ra wena.