Xiboho xa Class of 2023 xi ta paluxiwa hi Musumbhunuku

Elijah Mhlanga, muvulavuleri wa Ndzawulo ya Dyondzo ya Masungulo, u paluxile leswaku Umalusi yi ta burisana na vuhangalasi bya mahungu hi Musumbhunuku.

Naswona xikongomelo xa kona kutava kuri ku paluxa swiboho swa nkoka mayelana na mbuyelo wa Tlilasi ya 2023 ya matiriki.

Vaaki va Afrika dzonga va rindzele mahungu lawa hi mahlo-ngati, laha swichudeni, vatswari, na vadyondzisi va hisekelaka ku tiva hilaha swiboho leswi swi nga ta vumba vumundzuku bya dyondzo bya tlilasi leyi thwasaka.

Ku engetela eka ku langutela, Holobye wa Dyondzo ya Masungulo, Angie Motshekga, u languteriwile ku paluxa mbuyelo wa matiriki hi ti 18 ta Sunguti 2024.

Leswi swi fungha nkarhi wa nkoka eka vaAfrika-dzonga tanihileswi va rindzeleke mimbuyelo leyi nga ta khumba riendzo ra dyondzo ra swichudeni.