Vana Vanharhu Va hundza emisaveni Endzeni Ka Movha
Vana vanharhu va malembe ya le xikarhi ka mambirhi (2) na tsevu (6) hi vukhale va lahlekeriwe hi vutomi bya vona hi ndlela yo vava eBolobedu, ehandle ka Modjadjiskloof.
Maphorisa ya ndzhawu liya va pfurile nandzu wa ‘ inquest’ endzhaku ka loko vana va kumiwile va titivarile endzeni ka movha wa sedan lowu a wu pakile emugangeni wa Jamela.
Kuya hi Colonel Malesela Ledwaba, muvulavuleri wa maphorisa ya Limpopo, vatswari va vana lava vava tsutsumeserile etliliniki ya le kusuhi hi Ravunharhu kuya kuma vutshunguri.
“Khombo ra kona, vana vambirhi eka lava, va malembe mambirhi na tsevu, va tiyisisiwile leswaku va hundzile emisaveni loko va fika etliliniki, kasi n’wana wa vunharhu, wa malembe manharhu, u lovile eka mhangu leyi yo vava hi Ravumune,” ku vula Kolonele Ledwaba.
Kolonele Ledwaba u vule leswaku, Vulavisisi byo sungula byi kombisa leswaku vana lava a va ri karhi vatlanga endzeni ka movha lowu a wu pakile naswona mafasitere ya movha a ya pfariwile, leswi endleke leswaku va titivala.
Vaaki va sala va hlamarile na ku vilela tani hi leswi Maphorisa ya tirhaka hi matimba ku twisisa swiyimo leswi rhendzeleke mhangu leyi.
