Mupfinyi A gweviwa ku tshama ekhotsweni vutomi hinkwabyo

Share the News

Eka xiboho xa nkoka ekhoto ya xifundzha xa Tzaneen hi Ravumune, Sunguti 25, 2024, Khutso Ramatseba wa malembe ya 40 hi vukhale u voniwe nandzu eka milandzu yimbirhi ya ku pfinya naswona u nyikile xigwevo xa vutomi hinkwabyo eka nandzu wo sungula, na khume ra malembe yo engetela eka nandzu wa vumbirhi.

Huvo yi yingise vuxokoxoko bya mhangu yo sungula leyi humeleleke hi Nyenyankulu 8, 2014. Wansati un’wana wa malembe ya 18 hi vukhale, loyi a a famba ni vanghana va yena emugangeni wa Maphauwe, u tekiwile hi nkani hi Ramatseba.

Hi ku xungetiwa hi xitlhavani, u yisiwe laha Ramatseba a tshamaka kona eMamakata Village, laha a endleke vugevenga lebyi kona. Endzhaku ka sweswo, u n’wi ntshunxile hi xilemukiso xo chavisa xo lwisana ni ku vika mhangu leyi.

Kuya hi muvulavuleri wa maphorisa Colonel Malesela Ledwaba “N’wana un’wana wa xisati wa 18 wa malembe hi vukhale na yena u pfinyiwile hi Ramatseba, eka mhangu yo hambana naswona ku vikiwa leswaku mhangu yi humelerile hi 29 ta Nyenyankulu 2014”.

“Muhlaseri, a hlomile hi loko a ta n’wi hlasela ekusuhi na nambu wa Molototsi,” ku vula colonel Ledwaba. Kuvikiwa leswaku mutwisiwa kuvava a suka ekerekeni hi siku ra mhangu.

Milandzu leyimbirhi yi vikiwile exitichini xa maphorisa xa Bolobedu naswona endzhaku yi hundziseriwe eka Tzaneen Family Violence Child protection and sexual offenses ku ya endla vulavisisa eka milandzu leyi.

Detective Sergeant Glenda Mathebula, a rhangela vulavisisi, u landzelerisile no khoma muehleketeleriwa hi ndlela leyi humelelaka endzhaku ka ku hlotiwa lokukulu.

Ledwaba u ye emahlweni a vula leswaku vumbhoni bya DNA byi ntiyisisile leswaku Ramatseba wa khumbeka eka milandzu leyimbirhi, leswi endleke leswaku a voniwa nandzu.

” Khoto, hi ku lemuka ku tika ka vugevenga, yi n’wi gweve ku tshama ekhotsweni vutomi hinkwabyo eka nandzu wo sungula na khume ra malembe yo engetela eka ya vumbirhi,” ku engetela Ledwaba.

Swigwevo swi ta famba hi ku landzelelana.

Tanihi xiphemu xa xileriso xa khoto, vuxokoxoko bya mumangaleriwa byi ta engeteriwa eka Rhijisitara ra Rixaka ra Vadyohi va swa Masangu, leswi nga na goza ra nkoka ro tiyisisa vuhlayiseki bya vaaki.

Mathunse Hlukani

Hlukani Mathunse is a talented journalist and media professional with a passion for storytelling and community engagement.

Mathunse Hlukani has 369 posts and counting. See all posts by Mathunse Hlukani

Leave a Reply

Your email address will not be published. Required fields are marked *