Afrika-Dzonga Ri Veka Siku ra Nhlawulo
Eka xitiviso lexi a xi rindzeriwile hi mahlo-ngati, Murhangeri wa Tiko Cyril Ramaphosa u paluxile leswaku Nhlawulo wa Rixaka na Swifundzankulu wa Afrika-Dzonga wu lulamisiwile hi Ravunharhu, Mudyaxihi 29, 2024.
Hi xitiviso lexi, vaaki etikweni hinkwaro va tilulamisela ku tirhisa mfanelo ya vona ya xidemokirasi na ku hoxa tivhoti ta vona. Nhlawulo lowu taka wu fungha nkarhi wa nkoka eka Vaaki va Afrika-Dzonga loko vari karhi va lwisana na mintlhontlho leyi tiko ri langutaneke na yona.
Loko siku ri ri karhi ri tshinela, mavandla ya tipolitiki ya languteriwa ku tiyisa matshalatshala ya wona, ya phikizana hi nseketelo wa vahlawuri na ku humesa swivono swa vona swa vumundzuku bya tiko.
Murhangeri Ramaphosa u kandziyisile nkoka wa nhlawulo lowu, a hlohlotela vavhoti hinkwavo lava ringaneleke ku vhota ku nghenelela hi matimba eku vumbeni ka vumundzuku bya rixaka.
Nhlawulo wa 2024 wu ta nyika nkarhi eka VaAfrika-Dzonga ku humesa ku navela ka vona, ku vilela, na ku tsakela ka vona eka vulawuri.
Loko ku hlayela endzhaku ku ya fika hi ti 29 ta Mudyaxihi , moya wa xidemokirasi wa Afrika-Dzonga wu ta voninga swinene, wu kombisa ku tiyisela na ku tiyimisela ka vanhu va rona eku vumbeni ka mundzuku wo antswa.
