Muyimbeleri wa ndhuma wa Xitsonga Benny Mayengani U ta Simeka Vandla Ximfumo Namuntlha
GIYANI – Eka nhluvuko lowu tsakisaka eka xiyimo xa tipolitiki, muyimbeleri wa Xitsonga Benny Mayengani u lulamerile ku simeka ximfumo vandla ra Action Alliance Development Party (AADP) Namuntlha, Mhawuri 5, 2023, eHodela ya ndhuma ya Xilumani, eGiyani.
Event yo Simeka vandla leri ku tshembiwa leswaku ku ta va mhaka ya Matimba, laha Mayengani a nga ta paluxa makungu ya vandla, tipholisi, na swirho swa nkoka swa National Executive Committee (NEC), xikan’we na Varhangeri va swifundzankulu laha tikweni.
Tanihi mutshila loyi a tivekaka swinene loyi a nga na vuxaka lebyikulu na ndzhaka ya yena ya Xitsonga, xiboho xa Mayengani xo vumba vandla ra tipolitiki xi kombisa ku tinyiketela ka yena ku endla ku cinca lokunene na nhluvukiso eka tiko ra Afrika-dzonga.
Hambi leswi Mayengani a nga na ndhuma na nkucetelo eka rixaka ra Vatsango u vurile leswaku a nge tirhisi ndhuma ya yena ku gangisa Vaseketeri hi karhi lowu a nga tava a ri ku nyanyuleni ka ntshungu.
“Ku nsimekiwa ka vandla leri swinge xanisi tirho wa mina wa vuyimbeleri, ndzi ta ya emahlweni ndzi nyanyula Vaseketeri va mina,” ku vula Benny Mayengani.
Mayengani u languteriwile ku boxa xivono na xikongomelo xa vandla rakwe ra AADP, hambi kuri ku kombisa mimpimanyeto ya nkoka xikanwe na swiyimo swa nkoka swa pholisi swa vandla.
Hi ku tirhisa endlelo ro angarhela na ku katsa hinkwavo, AADP yi kongomisa ku lulamisa timhaka leti tshikilelaka to fana na nhluvukiso wa ikhonomi ya vaaki, dyondzo, nhlayiso wa rihanyo, switirhisiwa, na ku tumbuluxiwa ka mitirho.
Ku tivisiwa ka swirho swa NEC na varhangeri va swifundzankulu swi ta nyika xivono xa xiyimo xa vandla. Naswona ku nsimekiwa ka AADP eHodela ya Xilumani, ku tshembiwa leswaku kutava event ya nkoka, leyi nga ta koka rinoko na nseketelo wa vaaki, van’watipolitiki, na vuhangalasi bya mahungu hi ku hambana ka byona.
Vahungasi va siku va katsa Dr Joe Shirimani, Solly Makamu, Dj Mfundhisi, Prince Rhangani, canicee na van’wana vo tala, ntirho wu languteriwile ku sungula hi awara ya khume new ni mixo (11:00 am).
