Ntshikelelo wa miehleketo hi nguva ya nhlawulo

Share the News

Hi Ntsakisi Gracia Chauke

Siku leri vaaki va Afrika Dzonga va ri languteleke hi mahlo yo tshuka ku nga siku ra nhlawulo wa mani na mani ra karhi ra tshinela. Ku lo sala masiku mangari mangani ma-Afrika Dzonga ya kongoma eka nhlawulo wa rixaka.

Hambiswiritano, loko Afrika Dzonga ri ri karhi ri tilulamisela nhlawulo lowu taka ka ha ri na mintlhontlho ya ikhonomi na mphakelo wa vukorhokeri lowu nga enelangiki, hambi ku ri timhaka ta mphakelo wa gezi hi nsiyerisano, vanhu vo tala va ti kuma va ri karhi va lwisana na ntshikelelo wa miehleketo na ku nga tiyiseki.

Mintlhontlho leyi phikelelaka ya mphakelo wa gezi hi nsiyerisano na ku kayivela ka mati swi veke ntshikelelo lowukulu eka mindyangu na mabindzu, kasi swi tlhela swi kavanyeta maendlelo ya siku na siku.

Kerry Rudman loyi anga musunguri wa xivandla xa rihanyo ra miehleketo xa Brain Hormonics tlhelo a nga mutivi wa rihanyo ra miehleketo u vike leswaku vativi va rihanyo ra miehleketo va karhi va hlangana ku tlakusa vutivi na ku nyika mpfuneto eka lava khumbekaka.

“Loko Afrika Dzonga ri tshinelela nhlawulo wa mani na mani exikarhi ka makhombo ya ikhonomi na ku pfumaleka ka switirhisiwa, vanhu vo tala va langutane na ntshikelelo na ku vilela loku engeteleleke,” ku vula Rudson.

Swiyenge swa mabulo hi ku hambana hambana ka swona swi tele hi swiviko leswi fambisanaka na nhlawulo, laha ku vulavuriwaka hi vukungundzwana, minxungeto ya ku hlongoriwa ka vahlampfa,ku kayivela ka mphakelo wa vukorhokeri, hambi ku ri xiyimo xa gezi xa laha tikweni. Kasi leswi swi nga ha vanga ntshikelelo ni ku vilela eka vanhu.

Hikokwalaho, eka nkarhi lowu i swa nkoka leswaku munhu a ti tlhogomela no lava mpfuneto loko o tshuka a vona swikombiso swa ntshikelelo.

Mathunse Hlukani

Hlukani Mathunse is a talented journalist and media professional with a passion for storytelling and community engagement.

Leave a Reply

Your email address will not be published. Required fields are marked *