Yanani exikolweni, ku vula MuBixopo Ntsako Eric Maluleke
By Nthavela Journalist
MuBixopo Ntsako Eric Maluleke, wa kereke ya Philadelphia Worship Centre eka Madonsi u vula leswaku vufundhisi masiku lawa byi fambelana na dyondzo.MuBixopo a a vulavula eka Mavalani eka ntirho wo veka vafundhisi, laha kereke ya Worship Tabernacle Worship International yi rhangeriwaka hi MuBixopo MW Ngoveni a yi veka vafundhisi.
MuBixopo Maluleke, loyi a a ri mufambisi wa ntirho u hlohleterile vafundhisi lavatshwa ku kutaza eka timhaka ta dyondzo. “Mikarhi yi cincile masiku lawa swa tika ku va mufundhisi mi ri hava dyondzo. A ndzi ali ku ri mi vitaniwile, kambe yanani exikolweni kumbe mi rivala,” ku vula MuBixopo Maluleke.
MuBixopo MW Ngoveni u katekisile vafundhisi va 17, va tlhela va nyikiwa tisetifikheti ta vufundhisi. MuBixopo Ngoveni u kombisile mathwasani lawa ya vufundhisi ndlela leyi va nga ta hanyisa swona, na leswi va nga fanelangiki ku hanyisa swona.
Kereke leyi ya le ka Mavalani, yi na marhavi yo hundza 20 laya katsaku Limpopo, Gauteng na Bokoni Bophirima.