50 WA MALEMBE YO TLANGELA BARKHODI
Hi Mutsari wa hina
26 Khotavuxika, Hi siku leri eka malembe ya 50 lama hundzeke, bardcode ya GS1 yi skeniwile ro sungula. Kusukela kwalano, “beep” yin’wana na yin’wana yi endle leswaku swi olova no hlayiseka ku xava na ku xavisa switirhisiwa emisaveni hinkwayo na le Afrika Dzonga. Sweswi, endzhaku ka makume ntlhanu wa malembe, Tikhodi ta QR leti tumbuluxiwaka hi GS1 ti ta hundzula ntokoto wa ku xava nakambe. Ku suka eka xikeni xa le xitolo kumbe xikeni xa riqingho ra le mavokweni, Tikhodi ta QR leti tumbuluxiwaka hi GS1 ti pfula nyangwa eka vuxokoxoko bya swixavisiwa lebyi fuweke, ku antswisa matirhelo ya bindzu, ku ndlandlamuxa ntokoto wa vatirhisi, migingiriko ya ku kondletela na swin’wana.
Ku fambisana na ku tlangela malembe ya 50 ya xikeni xo sungula xa tibarkhodi hi ti 26 Khotavuxika 1974 i ku sunguriwa hi ku olova ka MyGS1za ‘APP’. ‘APP’, leyi tumbuluxiweke hi GS1 eAfrika-Dzonga ku tlakusa ntshembo wa vaxavi hi ku endla leswaku vaxavi na vatirhisi van’wana va kota ku tiyisisa vutitivisi na vun’wini bya xiendliwa xin’wana na xin’wana xa GS1, ku tirhisiwa ka ‘APP’ ya Verified by GS1 ku nga ri khale ku ta simekiwa eka vaaki. Nhluvukiso wa ‘APP’ wu ta hi nkarhi lowu mabindzu ya vuxisi na lama nga riki enawini ya hundzukeke xiphiqo lexikulu eka vaxavisi na tindhawu ta vuxavisi eAfrika-Dzonga.
Ku hluvukisa App, GS1 ya Afrika-Dzonga yi tirhisanile na sete yo hambana ya vakhomaxiave, ku katsa na vaxavisi, vaendli na swirho swa Huvo ya GS1 eAfrika-Dzonga. Havumbirhi bya Google Play store na Apple store va kambisisile MyGS1za App no tiyisisa leswaku yi lulamerile ku tirhisiwa eAfrika-Dzonga.
Zinhle Tyikwe, muofisirinkulu wa vulawuri (CEO) wa GS1 eAfrika Dzonga u ri “vaxavi, vaendli, vaxavisi, na vini va switolo swa spaza ku nga ri khale va ta kota ku skena xixavisiwa na ku fikelela xihlovo lexi tshembekaka xa mahungu kumbe xiviko. Hi nghenelerile vakhomaxiave vo hambana, leswi endleke leswaku ku va na mimbuyelo leyinene ngopfu leyi kombisaka leswaku vutumbuluxi byi ta seketela ku lwisana na mintlhontlho leyi nga riki enawini na ya vuxisi etikweni,” ku vula yena.
Eka malembe ya 50 ya ku tlangela ka barkhodi yo sungula, vaxavisi na vaendli eka sekithara ya Nhundzu ya Vaxavi leyi Fambaka hi Rivilo va kombela ku amukeriwa ka misava hinkwayo ka Tikhodi ta QR leti nga na swipimelo swa GS1. Tikhodi leti ta QR ti nga nyika mfikelelo eka rifuwo ra mahungu ya swixavisiwa lama fikelelaka hi ku olova hi ku tirhisa ti-smartphone – leswi languteriweke ku hundzula ntokoto wa vatirhisi hi ku helela.
“Xikeni xo sungula xa tibarkhodi hi laha ku nga heriki xi cincile ndlela leyi hi xavaka na ku xavisa switirhisiwa ha yona,” ku vula Renaud de Barbuat, Phuresidente tlhelo muofisirinkulu wa vulawuri (CEO) wa GS1, loyi a tshamaka eBrussel. “Malembe ya makume ntlhanu endzhaku, tinhenha ta indasitiri ti hlanganile ti kombela ku cinca eka Tikhodi ta QR leti tumbuluxiwaka hi GS1. Matshalatshala lawa ya ntirhisano ya vekiwile ku hundzula hi tindlela letintshwa ndlela leyi hi xavaka, hi dyaka, na ku hanya ha yona. Hi tshemba leswaku leswi swi fungha ku sungula ka nhluvuko wa vumbirhi wa tibarkhodi – ku endla leswaku swixavisiwa swi landzelerisiwa swinene na ku hundzula ntokoto wa vatirhisi, hi ndlela yoleyo ku pfula vumundzuku bya vuxavisi.”
Ku hambana na tibarkhodi ta ndhavuko, Tikhodi ta QR leti tumbuluxiwaka hi GS1 ti nga hlanganisa vatirhisi eka nhlayo yo anama ya vuxokoxoko bya swixavisiwa ku tlakusa ntokoto wa vona – ku katsa na swiletelo swa matirhiselo na ku vuyisa swilo, vuhlayiseki, vuxokoxoko bya swakudya, na switifikheti swa indasitiri.
Mimbuyelo ya tikhodi ta QR hi leyi landzelaka:
• Swihlawulekisi swo tlhariha: hi mahungu lama nga ha pimiwiki hi ndhawu yo paka, Tikhodi ta QR leti fambiwaka hi GS1 ti nga ndlandlamuxa ntokoto wa vatirhisi hi ku pfumelela tibrand ku avelana mahungu yo engetela ku katsa na tidyondzo ta vhidiyo, switsundzuxo swa xitayili, tirhesiphi leti ringanyetiweke kumbe mahungu man’wana lama fambelanaka na ku xava ka vona.
• Vutivi lebyi nga heriki: hi ku andza ka xilaveko xa vatirhisi ku twisisa ku khumbeka ka mbango ka swixavisiwa, Tikhodi ta QR leti tumbuluxiwaka hi GS1 ti nga hlanganisa vatirhisi eka mahungu yo fana na laha xixavisiwa xi humaka kona, swiphemu swa xona, ‘carbon footprint, na nkongomiso eka ku vuyisa kumbe ku tirhisa nakambe.
• Swakudya leswi hlayisekeke: etlhelo ka rihanyo na swakudya, Tikhodi ta QR leti tumbuluxiwaka hi GS1 ti nga olovisa mfikelelo eka mahungu ya milawu, switsundzuxo swa vuxokoxoko bya aleriji, na masiku yo hundzeriwa kumbe yo xavisa hi wona – leswi pfumelelaka swakudya leswi hundzeriweke hi nkarhi ku ariwa loko u xava, na leswi nga ekusuhi na ku hundzeriwa ku xavisiwa hi mimpimo leyi hungutiweke.
Hi mahungu lama fikelelaka hi ku olova hi ku tirhisa tiqingho ta manguva lawa, leswi swi pfula nxaxamelo wa swilo leswintshwa leswi nga kotekaka eka vatirhisi, vaendli, na vaxavisi hi ku fanana – ku nyika mfikelelo eka mahungu hinkwawo lawa vatirhisi va ma lavaka na ku ma navela, ku antswisa ku landzelerisa, na ku fambisa vukorhokeri hi ku tirhisa mphakelo wa switirhisiwa, loko swa ha endla leswaku ku va na ku skena eka ku xava.
Kungu leri ra indasitiri i matshalatshala lama pfulekeke, ya ntirhisano ku yisa emahlweni swiyimo swa misava hinkwayo swa vukorhokeri, vuhlayiseki, na ku kondletela eka tiindasitiri hinkwato ta vuxavisi na nhundzu ya vatirhisi na ku endla leswaku ku va na mabindzu yo tsemakanya tibodo lama tirhaka kahle. Tikhamphani leti hlanganeke na GS1 i nhlanganelo wa vini va brand lava rhangelaka, vaxavisi na tindhawu ta timakete leti nga na ntsengo wa makete lowu hlanganisiweke wo tlula 1.5 trillion USD. Tikhamphani leti ti tirha eka matiko yo tlula 160 naswona ti fikelela mabiliyoni ta vatirhisi emisaveni hinkwayo – leswi pfulelaka ndlela ya ku humelela ka phurojeke.
Xikongomelo xa ntirhisano lowu hileswaku eku heleni ka 2027 Tikhodi ta QR leti tumbuluxiwaka hi GS1 ti fanele ku amukeriwa hi xitalo. Ku fikelela leswi, matshalatshala lama hlanganeke ya laveka exikarhi ka vaendli na vaxavisi:
vaendli va fanele ku sungula ku tirhisa Tikhodi ta QR leti tumbuluxiwaka hi GS1 eka tiphasela ta swikumiwa, kasi vaxavisi va fanele ku tiyisisa leswaku swikeni swa vona swa ndhawu yo xavisa (POS) swi hlomisiwile ku hlaya tibarkhodi letintshwa.
Kungu leri ra indasitiri i matshalatshala lama pfulekeke, ya ntirhisano ku yisa emahlweni swiyimo swa misava hinkwayo swa vukorhokeri, vuhlayiseki, na ku kondletela eka tiindasitiri hinkwato ta vuxavisi na nhundzu ya vatirhisi.