Wansati A Hundza eMisaveni

Hi Mkateko Ndlovu

Vaaka tiko emugangeni wa ka Mavambe ehansi ka doroba ra Malamulele a va dyile makala laha va hlamuselaka leswaku va karhele ku tshama va ri karhi va nyamaleleriwa hi vanhu etikweni, va kombisa leswaku etikweni ra ka vona vanhu va tshamela ro nyamalala kambe swi helela emoyeni,vhiki leri a va sungurile ku toyatoya leswi swi ta endzhaku ka loko ku nyamalarile wa nsati loyi a tivekaka hi Vongani Maluleke, Vongani Maluleke wa Makume Nharhu Nhungu wa malembe hi vukhale loyi a humaka e mugangeni wa ka Mavambe u nyamalarile hi siku ra ti 09 Nyenyenkulu 2025.

Tanihi hi phepha hungu ra Nthavela hi ringesile ku endzela va ka Maluleke laha va nga hi hlamusela leswaku va sungule ku swi lemuka hi ti 12 ta Nyenyankulu leswaku Vongani a nga le ku vonakeni, laha va nga sungula ku vutisa eka vanghana, maxaka na murhandziwa wa yena, kambe vakombisa leswaku munghana wa yena u hlamuserile leswaku loko Vongani loko a famba u n’wi lerile a vula leswaku u ya eka vafundhisi va kereke la vo pfuna,kasi murhandziwa wa yena u vula leswaku nayena a nga swi tivi leswaku Vongani u yi le kwihi hikuva a nga n’wi lelanga.

Vandyangu wa ka Maluleke va kombisa leswaku mhaka leyi va yi mangarile exithichini xa maphoriseni xa ka Malamulele kambe a ku na nhlanga leyi balekeke ngati kambe hambiswiritano Vaaki va sungurile ku lava Vongani Maluleke eka matiko akelana kambe a ku va ngi na nhlanga leyi balekeke ngati ,va vutisile laha a tirha kona kutani entirhweni va kombisa leswaku navona va na masiku va nge se n’wi vona , va ndyangu va hlamusela leswaku va tekile mhangu leyi va yi mangala eka hosi Mavambe , laha va kombisaka leswaku hosi a yi angulanga nchumu hi mhaka leyi kute loko va swi vonisa sweswo vaaki vadya makala va sungula ku toyatoya va pfala magondzo va lumeka na
mindzilo emagondzweni.

Hosi loko yi lemuka leswaku etikweni ku sungula hasahasa yi hlamuserile vandyangu leswaku a va tlheleli a maphoriseni va ya lavisia leswaku nandzu lowu va wu pfuleke wu fika kwihi ,vandyangu va endlile tanihi leswi hosi yi leriseke hakona kutani loko vafika emaphoriseni va kumile hlamulo leyi yi nga va khomangiku kahle ‘’ lexi xi hi vavisaka hi leswaku loko hi fika exithichini xa maphorisa xa ka Malamulele maphorisa va hi hlamusela leswaku phorisa leri fambisaku nandzu wo lahleka ka murhandziwa hina a ri kona antirhweni , maphorisa ya le ku tsandzekeni ka ku endla matshalatshala yo hlotana na murhadziwa wa hina’’ vandyangu va hlamusela.

Loko vaaki vahaya emahlweni no toyatoya kufikile maphorisa kutani va khoma van’wani va vaaki kambe van’wana va duvuliwa hi swibalesa swa tirhaba , lava nga vaviseka eka mhangu leyi va amukeriwile exibedlela eka Malamule kambe van’wana va vaaki vapfaleriwile ematachi.hi ti 26 loko van’wana va ha ya emahlweni na mapfhumbha yo hlotana na Vongani, hi awara ya khume nimadyambu va n’wi kumile enhoveni ya le mugangeni wa ka Mphambo a hundzile emisaveni, wahatetano vaaki lava a va khomiwile hi ti 27 va humesewile ejele.