Vuxika byi lava Swiambalo swo Kufumela kambe swi fambelana na Fexeni

Hi Tracy Novela

Vuxika byi fikile naswona vanhu vo hlaya va khomiwa hi mukhuhlwani ngopfu-ngopfu eka vana lavantsongo, hikokwalaho ka ku pfumaleka ka swiambalo swo kufumela loko va ri ekutlangeni xixika lexi. Hi mikarhi yo hlaya, mabindzu ya hunguta mixavo ya swiambalo swa ximumu hi mikarhi ya vuxika loko swiambalo swa vuxika swi vitana swinene. Kambe tiko ra Afrika-Dzonga ri taleriwile hi vanhu vo hlaya lava nga fikeleriki mixavo ya le henhla.

Hi hala tlhelo, loko kuri vaxisati va twisisa ku ambala Swiambalo leswi swi endlaka leswaku va languteka kahle, kambe vuxika i xirhalanganyi tanihileswi swiambalo swo hlaya swa vuxika swi bangiseriwaka swi nga saseki hi ndlela leyi munhu a swi lavisaka xiswona. Kasi loko ku ri xifundzhankulu xa Limpopo, ngopfu-ngopfu etindhawini ta le Mopani na le Vhembe, Vuxika bya kona a kova xirhami xo ndzi voneni, tanihileswi ku titimelaka swinene nimixo Kasi loko dyambu ri tlhava ka Kufumela, ku tlhele ku vuya xirhami hi nkarhi wa xidyambu.

Xitsonga xi vula leswaku xibombi xi bomba ni n’wana naswona mavhengele lama kotaka ku ringanisa eka ku xavisa swiambalo leswi katsaka vana ni vavasati hi nkarhi wun’we a ma talanga. Swi tolovelekile leswaku mavhengele yo karhi ya khoma swiambalo swa vana, man’wana ya khoma swa vaxisati.

Loko ku langutisiwa tindhawu leti paluxiweke ta Vhembe na Mopani, laha munhu a nga kotaka ku ambala hi ndlela leyi yi langutekaka loko hi hala tlhelo munhu a famba na hi nguva ya nkarhi wolowo swa kala swinene. Leswi swi lava vutivi byo hetiseka eka timhaka ta Fexeni. Nthavela Newspaper, hi ku tirhisana na vhengele leri tivaka swilaveko swa vaxavi ra Fashion World, eka marhavi ya ka Malamulele, Elim, Nkuna Kraal, Giyani na Saselamani va vonile swi fanerile ku tivisa vaaki hi swiambalo swa Fexeni hi nguva leyi ya vuxika eka vaxisati ni vana.

Vhengele ra Fashion World, ri tiva swikhwama swa vaxavi naswona ri khomile swiambalo leswi faneleke xixika lexi naswona ri vula leswaku munhu a nga tikumela Swiambalo swa Fexeni Vuxika lebyi hi nxavo wa le ehansi ka R100 kusukela eka R50, naswona swiambalo leswi a hi swiambalo ntsena, I swiambalo lesiw swi fambelanaka na fexeni.