Referee U Hlaseriwile Endzhaku Ka Loko Mutlangi Un’wana Wa Zingha A Kuma Red Card
MDABULA – Mhangu yo chavisa yi humelerile eka ntlangu wa Mpho Mathoho knockout STREAM D semifinal exikarhi ka Zingha Young tigers na Gumbani Young stars loko mufambisi wa ntlangu a hlaseriwa hi vatlangi va Zingha Young Tigers endzhaku ka loko mutlangi un’wana a nyikiwile khadi ro tshwuka.
Ntlangu lowu a wu ri wa ku hisa, laha swipano leswimbirhi a swi lwela xivandla xa ti-Final eka Mathoho LFA knockout.
Eka hafu ya vumbirhi, mutlangi wa Zingha United, u nyikiwile khadi ro tshwuka hikwalaho ka tlangelo ra vusopfa eka mutlangi wa Gumbani Young.
Vatlangi va Zingha Young Tigers va vonaka va hlundzukile naswona va holova na mufambisi wa ntlangu ku ringana timinete to hlaya.
Hambiswiritano, loko mufambisi wa ntlangu a herisa ntlangu, vantlangi va Xipano xa Zingha va kombisini ku vilela lani vanga hlasela mufambisi wa ntlangu.
