Vaaki Va Lahlekeriwa: GCR Yi huma emoyeni

GIYANI – Xiyanimoya xa Giyani Community Radio [GCR], xitichi xa xiyanimoya xa laha kaya lexi kumekaka e Giyani, a xi le moyeni ka karhi wa sweswi hikwalaho ka mhaka [swiphiqo] swa gezi. Lexi i xitlhavi lexikulu eka vaaki va ndzhawu liya, lava va titshegeke hi xitichi lexi kutlula 9 wa malembe, loko swita eka mahungu, vuhungasi na vuyimbeleri.

Xitichi lexi i xihlovo xa nchavelelo ni ntsako eka vaaki vo tala endhawini leyi, naswona ku pfumaleka ka xona ku ta twiwa swinene. Ntlawa wa GCR swin’we na ntlawa wa Eskom wu tirha hi matimba ku vuyisela vukorhokeri hi ku hatlisa hilaha swi nga kotekaka hakona.

Xipano xa xitichi xi tirha hi matimba ku lulamisa mhaka leyi, naswona va teke pulatifomo ya vona ya vuhangalasa Mahungu ku tivisa vayingiseri va vona leswaku ku xitichi a xile ku haxeni eka karhi wa sweswi, hi mhaka ya gezi, loku ku vikiwaka leswaku ku humelerile masiku ma nga ri mangani lama hundzeke.

GCR yi langutane na timhaka to tala loko swi ta eka gezi, kambe a va nyikanga vuxokoxoko byo tala bya leswaku swiphiqo sweswo i yini. Ku nga tekiwa leswaku mphakelo wa gezi a wu ringanelanga kumbe ku na swiphiqo eka switirhisiwa swa laha va tirhelaka kona.

Hi ndlela yihi na yihi, swi le rivaleni leswaku Xitichi xi fanele ku kuma ndlela yo lulamisa timhaka ta vona ta gezi leswaku xi ta tiyisisa leswaku matirhelo ya vona ya famba kahle.Va boxe leswaku ntlawa wa vona a wu ri karhi wu tirha hi matimba ku lulamisa xiphiqo lexi.

“Hi na ku tshemba leswaku Eskom, muphakeri wa hina wa gezi, u ta lulamisa mhaka leyi naswona hi ta tlhela hi tirha ku nga ri khale,”