xitshembiso lexi nga hetisekangiki: Phurojeke yo Aka Patu ka Josefa

KA-JOSEFA – Eka muganga wa ka Josefa ehandle nyana ka Saselamani, Swirho swa Vaaki swi lahlekeriwe hi ntshembo eka masipala wa Muganga wa Collins Chabane, hikwalaho ka phurojeke yo aka gondzo leri nga famba hi ndlela yo biha, leswi swi ta endzhaku ka loko Masipala wu tsandzekile ku xixima switshembiso swa vona mayelana na Phurojeke yo aka gondzo emugangeni wa ka Josefa.

Ku vuriwa leswaku Phurojeke leyi a yi fanele ku ndlandlamuxa patu ra Gravel leri nga kona ku ya eka patu ra ring road[ Patu ra phevhimente], kambe ematshan’wini ya sweswo va sungurile ku aka patu leri nga kule na laha vaaki va tshamaka kona na laha ku nga na swikolo na swin’wana swilo swa nkoka evutonwini.

“Loko va fika ka hina, va vula leswaku va laha ku ta ndlandlamuxa Gravel ya hina ku ya eka patu ra Pavement kambe swihi hlamarisile ku vona, leswaku mukodekitara “Contrator” u karhi no sungula patu rinwani, endzhaku ka ntshava,” ku vula vaaki va ka Josefa.

“Xinwani i ku, bodo ya vona yi swi veka erivaleni leswaku va ndlandlamuxa Gravel ku ya eka Patu ra Phevimente hayi ku aka patu lerintshwa. Nakona sweswinyana va ha ku vekela bodo endzhaku ka loko hi sungule ku vutisa hi yona, onge va hi tumbeta swo karhi,” ku ya emahlweni muaki.

“Gondzo lerintshwa sweswi ri hundzuke nambu, leswi siyeke vaaki va leka Josefa va ri eka xiyimo xo tika swinene. mavhiki ma nga ri mangani lama hundzeke, Patu leri a ri tele hi mati. Ndhambi wa kona awu kavanyeta swinene eka migingiriko ya tiko tani hileswi a va nga swi koti ku ya emintirhweni naswona vana va swikolo a va nga swi koti kuya eswikolweni,” Kuya vaaki emahlweni.

Kasi Vaaki vatlherile va vula leswaku mukondekitara a nga tekanga nkarhi ku kota ku kambela patu loko, swifanerile leswaku ku vanga sungula ku endla patu leri,  naswona sweswo swi nga va xin’wana xa swivangelo leswi endleke leswaku leswi patu lerintshwa ri hundzuka nambu.

Tatana Mapengo, un’wana wa swirho swa vaaki, u vule leswaku vanhu va tiko va ehleketelela leswaku mukhanselara wa vona wa wadi wa phema eka phurojeke leyi.

“hi ringetile ku vulavula na yena leswaku hi ta yimisa phurojeke leyi kuri vanga endli patu endzhaka ka ntshava naswona u hlamurile a vula leswaku masipala wu ndlandlamuxa ntsena switarata leswi swi kumekaku endzeni ka muganga hayi patu lerikulu.” Ku vula Tatana Mapengo.

“Meyara Maluleke u endlile switatimende swo tala mayelana no antswisa magondzo lawa ya yisaka eka swivandla swa nkoka emugangeni ku fana na swikolo, tikereke na swin’wana kambe khombo ra kona patu ra “under constraction” a ri yisi eka rin’wana ra leswi,,” a engetela.

Tatana Mapengo u ye emahlweni a vula leswaku “ vaaki va hlele minhlangano yinharhu na masipala, kambe hambileswi hi nga endla matshalatshala lamakulu, minhlangano hinkwayo yinharhu yi tsandzekile ku humelela. Un’wana wa varhangeri u hoxile xandla leswaku nhlengeletano ya hina a yi humelela.

Leswi a swi endliwa leswaku ku va gondzo lerintshwa sweswi swi hundzuke nambu, leswi siyeke vaaki va le Josefa va ri eka xiyimo xo tika swinene. mavhiki ma nga ri mangani lama hundzeke, Ku vikiwile leswaku patu ri tele hi mati. Laha ku vuriwaka leswaku patu leri ringa “under consturction” ri vange ku kavanyeteka lokukulu eka vaaki va ndhawu leyi vaaki a va nga swi koti ku ya emintirhweni naswona swichudeni a swi nga swi koti kuya eswikolweni.

Kuvuliwa leswaku Mukondekitara u tshike ntirho lowu wu nga se fika emakume, Laha a nga rhwala swilo swa yena a huma hi laha. Sweswi patu leri ri hundzukile nambu naswona mimiti ya vanhu yi sele erivaleni tani hi leswi tinwani ta ti darata a ti tlhatlhiwile leswaku kuta endliwa patu. A swi le rivaleni leswaku ntirho lowu wu ta yisiwa emahlweni  rini.