Meyara A Rhangela Matshalatshala yo Lwisana na HIV/AIDS eCollins Chabane

Eka nyimpi leyi yaka emahlweni yo lwisana na HIV/AIDS, Meyara wa Masipala wa Collins Chabane, Cllr Shadrack Gezani Maluleke, sweswinyana a rhangele nhlengeletano ya nkoka. Komiti ya Huvo ya AIDS yi hlanganile eholweni ya vaaki ka Malamulele, yi burisana hi tindlela ta nkoka eku lulamiseni ka timhaka ta HIV/AIDS leti khumbaka vaaki va masipala.

Huvo leyi yi kambisisa hi ku hiseka mintlhontlho leyi vangiwaka hi HIV/AIDS eka Masipala wa Collins Chabane. Matshalatshala ya ntirhisano ya katsa mimbulavurisano na maqhinga ya ku tumbuluxa swintshuxo leswi va nga kotaku ku switirhisa eku lwisaneni na AIDS.

Hi nkarhi wa nhlengeletano ya sweswinyana, ku kandziyisiwile swinene eka ku tiyisisa na ku antswisa maendlelo ya masipala yo langutana na swiyenge hinkwaswo leswi fambelanaka na HIV/AIDS. Magoza ya huvo yo rhanga ya kongomisa eka ku ndlandlamuxa maqhinga lama nga kona, ku tiyisisa nhlamulo leyi tiyeke swinene eka xiphiqo lexi xa rihanyo.

Meyara Maluleke, a heleketiwa hi swirho swa komiti ya vulawuri, u tirhisanile swinene na vakhomaxiave vo hambana na vayimeri ku suka eka ndzawulo ya rihanyo.

Kuvikiwa leswaku, Matshalatshala lawa ya nhlanganelo ya kombisa tlhelo leri hlanganeke eku lwisaneni na HIV/AIDS, ku kombisa ku tinyiketela ku rhangisa vuhlayiseki bya vaaki.

Hi ntirhisano wa xiyimo xo tiyimisela, Masipala wa Collins Chabane wu yisa emahlweni vurhumiwa bya wona byo tinyiketela ku lwisana na HIV/AIDS, kuri ndlela yo endla leswaku vaaki eka Masipala va va na rihanyu ra kahle, hambi ku ri ku lwisana eka ku hangalaka ka AIDS.