Ndlela yo tumbuluxa ya Meyara Maluleke eka ku voninga ka switarata eCollins Chabane

Share the News

Masipala wa Collins Chabane, lowu tivekaka hi mahiselo ya xiyimo xa le henhla, wu lulamerile ku sungula xitshunxo xa vutumbuluxi ku lulamisa ku tlakuka ka minxavo ya gezi na mintlhontlho leyi vangiwaka hi ku tirha ngezi hiku siyerisana. Meyara Shadrack Maluleke u tivise makungu yo nghenisa mavoni ya le xitarateni lama ya nga ta tirhisa dyambu [solar] eka Miganga hinkwayo ehansi ka Masipala wa Collins Chabane.

Xiboho xo cincela eka ‘Renewable Energy’ xi ta endzhaku ka ku lemuka leswaku masipala a wu tirhisa mali yo tala swinene eka swibalo swa gezi. Meyara Maluleke xikanwe na Masipala wu xiye xilaveko xa xitshunxo lexi nga durhiki no tshembheka, naswona ‘Renewable Energy’ yi humelerile tanihi leyi ringaneleke kuva xitshunxo eka xiphiqo xa swa timali swa Masipala loko vaha langutele ku hluvukisa Miganga ya vaaki. Solar Panel , ti ta vekiwa eka mavoni ya le xitarateni eka miganga hinkwayo leyi welaka eka Masipala wa Collins Chabane. Tiphaneleni leti ti ta tswonga miseve ya dyambu ninhlikanhi, ti hlayisa matimba eka tibetiri leswaku ti ta voninga nivusiku.

Endlelo leri ra nkarhi wo leha a ri hunguti ntsena Mali na ku titshega ka masipala eka Eskom kambe ri tlhela ri tiyisisa ku voninga loku nga kavanyetiwiki hambi hi nkarhi wa ku tirhisa gezi hiku siyerisana.

Mimbuyelo ya mavoni ya le xitarateni lama tirhisaka matimba ya dyambu yi tlula ku hlayisa mali. Hi ku tirhisa eneji leyi pfuxetiwaka, Masipala wa Collins Chabane wu teka goza ra nkoka ro hunguta khaboni ya wona na ku tlakusa ku kondletela mbango. Renewable Energy yi basile, ya pfuxetiwa, naswona yi humesa zero ya tigasi ta greenhouse, leswi endlaka leswaku masipala wu tinyiketela eka vumundzuku bya rihlaza.

Ku tlula kwalaho, ku sunguriwa ka mavoni ya le xitarateni lama tirhisaka matimba ya dyambu swi ta ndlandlamuxa vuhlayiseki endzeni ka vaaki. Switarata leswi voningeriweke kahle swi sivela mintirho ya vugevenga naswona swi endla leswaku vaaki ni vaendzi va titwa va sirhelelekile.

Hi ku voninga loku tshembekaka na ku tirha kahle, Masipala wa Collins Chabane wu kongomisa ku tumbuluxa ndhawu yo hlayiseka eka vaaki va wona hinkwavo.Ku tirhisiwa ka mavoni ya le xitarateni lama tirhisaka matimba ya dyambu swi fambelana na xivono xo anama xa masipala xa nhluvukiso lowu nga heriki.

Endlelo ra Meyara Maluleke ro languta emahlweni ri kombisa ku tinyiketela ka yena ku kuma swintshuxo swa vutumbuluxi eka mintlhontlho leyi vaaki va langutaneke na yona. Hi ku amukela eneji ya dyambu, Masipala wa Collins Chabane wu veka xikombiso eka timasipala tin’wana, ku kombisa vuswikoti bya switirhisiwa leswi pfuxetiwaka eku fambiseni ka nhluvuko na ku antswisa khwalithi ya vutomi eka vaaki va wona.

Tanihi leswi dyambu ri yaka emahlweni ri hisa masipala hi mahiselo yo fika eka 40 degrees Celsius, xiboho xo tirhisa eneji ya dyambu ku voninga switarata i vumbhoni bya ku tinyiketela ka Meyara Maluleke eka vuhlayiseki bya vaaki.

Hi goza leri ra xivindzi, Masipala wa Collins Chabane wu pfulela ndlela ya vumundzuku byo vangama, lebyi nga heriki, laha eneji leyi tengeke na nhluvukiso wa vutihlamuleri swi fambisanaka.

Hi ku amukela matimba ya dyambu, Masipala wa Collins Chabane a wu voningi ntsena switarata swa wona kambe wu tlhela wu voninga ndlela yo ya eka vumundzuku bya rihlaza na ku humelela eka vaaki va wona hinkwavo.

Mathunse Hlukani

Hlukani Mathunse is a talented journalist and media professional with a passion for storytelling and community engagement. He graduated from the University of Venda with a degree in Media Studies, where he honed his skills in writing, research, and multimedia production. During his studies, Hlukani began his career as a broadcaster at the Malamulele community radio station, where he quickly made a name for himself as a dynamic and engaging on-air personality. He developed a strong following among local listeners, who appreciated his thoughtful reporting and insightful commentary on a wide range of topics. In 2023 March, Hlukani joined the team at Nthavela newspaper as a journalist, where he has continued to excel in his craft. He has covered a diverse range of stories, from local politics and social issues to arts and culture. Throughout his career, Hlukani has demonstrated a deep commitment to serving his community and giving a voice to the voiceless. He is widely respected for his professionalism, integrity, and dedication to journalistic excellence, and is considered one of the rising stars in South African media.

Leave a Reply

Your email address will not be published. Required fields are marked *