Vavasati Vambirhi Va Lovile Eka Mhangu Yo Chavisa

Vachayeri vambirhi va xisati va lahlekeriwe hi vutomi bya vona eka mhangu yo vava ya movha leyi nga humelela eku sunguleni ka siku ra namuntlha egondzweni ra R101 exikarhi ka Mokopane na Mookgophong. Ku vikiwa leswaku mhangu leyi yi katsa movha wa SUV lowu nga tlumbana na movha wun’wana, leswi nga endla leswaku ku va na mbuyelo wo chavisa.

Kuya hi muvulavuleri wa ndzawulo ya vutleketli na vuhlayiseki bya vaaki eLimpopo, Tidimalo Chuene, vanhu van’wana vambirhi na vona va vavisekile eka mhangu leyi.

“Xivangelo xa mhangu leyi xa ha lavisisiwa, kambe swiviko swo sungula swi ringanyeta leswaku ku chayela hi vusopfa swi nga va swi hoxe xandla eka mhangu leyi,” ku vula Muvulavuleri Tidimalo Chuene.

“Ku lahlekeriwa hi vutomi emagondzweni ya hina minkarhi hinkwayo i xiendlakalo xo vava lexi khumbaka mindyangu na miganga hi tindlela leti nga riku kahle” Chuene u engeterile.

Chuene u ye emahlweni a vula leswaku “Hi tlhela hi bumabumela vatirhi va vukorhokeri bya xihatla lava hlamuleke eka mhangu leyi,hi xihatla,”

Vachayeri va komberiwa ku chayela hi vukheta, no lehisa timbilu emagondzweni.