Vantshwa Va Kombisa Vuswikoti bya Sayense Eka Eskom Expo eXifundzhenitsongo xa Vhembe
VHEMBE – Ku tlula 100 wa vadyondzi lava nga na vuswikoti ku suka eswikolweni leswi swi kumekaka ka Xifundzatsongo xa Vhembe va hlanganile exikolweni xa le henhla xa Tshivhase mavhiki mambirhi lama hundzeke eka Eskom Expo for Young Scientists. Nkombiso lowu wa sayense,i xiphemu lexikulu xa ku tlangela ku navela ka vantshwa eka dyondzo ya sayense hambi kuri vutumbuluxi.
Tatana Ndifelani Phalanndwa, Mulawuri wa Eskom Expo Fair eka Xifundzatsongo xa Vhembe, U boxe leswaku 274 wa vantshwa lava humaka eka xifundzha xa Vhembe va rhumele tiphurojeke ta vona. “Swichudeni leswi swi vekisile tiawara to tala eka ndzavisiso wa swona, swi kombisa ku tinyiketela kaswona, hakunene leswi swa hlohlotela.”
Tatana Simon Mathebe, muavanyisinkulu wa mphikizano, u komberile vatekaxiave ku sungula ka ha ri na nkarhi eka tiphurojeke ta lembe leri taka ku kuma matirhelo lama antswisiweke.
Tatana A. R. Lukhwa wa Ndzawulo ya Dyondzo u nkhensile Eskom ku seketela xiendlakalo lexi, hi ku lemuka xiave xa yona eku kuriseni ka lava nga ta va vativi va sayense va nkarhi lowu taka.
Hambi leswi xifundzatsongo xa Vhembe xi nga na mintlhontlho yo fana na switirhisiwa leswi nga nyawuriki hambi kuri vuhlanganisi bya inthanete, swichudeni swi endlile tiphurojeke to hlamarisa ta eneji na vunjhiniyara.
Vantshwa va nhungu lava va humelelaka va amukerile Masagwadi yo Hlawuleka ya Eskom, ku katsa na swiyenge swo fana na Best Female, Best Innovation, Best Energy Project, na Best Development Project. Lexi xiyekaka, swikolo swa Dimani na Mbilwi swi humelerile swinene hi ku kuma nhlayo ya le henhla ya timendhe ta nsuku eka xiendlakalo lexi.
Van’wana vava hluli eka sangwadi ra Bluetooth speaker vakatsa,
- Best female: Mudau Mutshidzi and Mudau Rotshidzwa from Dimani Agricultural High School
- Best innovation: Mandiwana Zwavhudi from Thengwe High School and Rantete Millicent from Kutama Secondary School
- Best energy project: Singo Ankonisaho and Mulaudzi Maduvha from Tshivhase Secondary School.
- Best development project: Lukwareni Thoendo Mpho and Siphoro Murangi from Mbilwi Secondary School
Vahluri lava ku nga ri khale va ta phikizana na vantshwa va sayense van’wana va laha tikweni hi Hlangula.
