Holobye wa Rihanyo Dkd Joe Phaahla A Pfula Tliliniki eka Masipala wa Collins Chabane
Holobye wa Rihanyo Dokodela Joe Phaahla, kun’we na MEC wa Rihanyo eLimpopo Dokodela Phophi Ramathuba, va pfurile Tliliniki ya Mulenzhe ximfumo namuntlha.
Tliliniki ya Mulenzhe yi kumeka eMulenzhe Thondoni, eka Masipala wa Collins Chabane ehansi ka Xifundzatsongo xa Vhembe. Ndzawulo ya rihanyu yi vula leswaku Tliliniki yi ta tirhela 15 wa miganga ya le kusuhi.
“ Tliliniki yi na 10 wa vaongori na 3 wa vatirhi va voseketela,” ku vula ndzawulo ya Rihanyu eLimpopo. “ Tliliniki yi ta nyika vukorhokeri byo hambana ku katsa na nhlayiso wa mavabyi lamantsongo, ku pulana ndyangu, ku tika ka vanhu va xinsati.”
Tliliniki ya Mulenzhe yi ta tlhela yi nyika na vukorhokeri byo fana na ku veleka, nhlayiso wa vana lava ha ku velekiwaka, nhlayiso wa le ndzhaku ka ku velekiwa, na nseketelo wa mavabyi lama nga tluleriki, rihanyo ra miehleketo, na ku kamberiwa ka oncological.
Ndzawulo yi kandziyisa ntirho wa nkoka wa titliliniki eku nyikeni ka nhlayiso wa rihanyo lowu heleleke, ku suka eka ku sivela ku ya eka vutshunguri na vukorhokeri byo hunguta mavabyi.
