Maphorisa ya khomile 8 mayelana na “Mob Justice” eGandlanani
Mhangu ya sweswinyana ya Mob Justice leyi nga humelela emugangeni wa Gandlanani ehandle nyana ka Malamulele yi vange mpfilumpfilu emugangeni, laha vo tala va kombiseke ku hlundzuka ka vona hikwalaho ka madzolonga Kasi van’wani va vula leswaku hi yona ndlela yo antshwa yo lwisana na vugevenga.
Hi ku hlamula eka mhaka leyi, maphorisa ya ka Malamulele ya tekile magoza, yo khoma vanhu va nhungu lava ku hehliwaka leswaku va nghenelerile eka mhangu leyi (mob justice).
Hambiswiritano, Community Police Forum (CPF) yi humerile ehandle yi sirelela vanhu lava khomiweke, yi vula leswaku a va na nandzu naswona va fanerile ku ntshunxiwa.
“muganga hi wona wunga hisa mimiti leyi, naswona vanhu lava khomiweke va fanele ku ntshunxiwa,” ku vula CPF.
CPF yi yile emahlweni yi vula leswaku vata kongoma eMaphoriseni ya ka Malamulele ku ya koxa leswaku vanhu lava vanga khomiwa na vusiku va ntshunxiwa.
Loko maphorisa ya ha ya emahlweni na vulavisisi bya wona eka mhangu leyi, swi le rivaleni leswaku ku nonon’hweriwa loku kunga Kona emugangeni, swinga endla leswaku kuva pfuka madzolonga.
Kasi vaaki vo tala va kombela leswaku maphorisa ya ntshunxa vanhu lava nga khomiwa vusiku hiku copeta ka tinhlo.
