ANC Yi Tilunghiselela Ku Hlawula Meyara Wa Masipala Wa Collins Chabane
Basikopo Makamu, xandla xa matsalani wa vandla ra ANC eLimpopo, u paluxe leswaku meyara lontshwa wa nkarhi hinkwawo u ta sungula ku tirha eka Masipala wa Collins Chabane eku heleni ka nhweti ya Ndzati.
Makamu u vule leswi hi nkarhi wa mbulavurisano wa yena na Xitichi xa Munghana Lonene fm. “ ndzi nga vula leswaku n’hweti leyi loko yi hela, hi tava hi hlawurile meyara wa Masipala wa Collins Chabane”
“ Lexinga endla leswaku hi teka karhi ku hlawula meyara hi leswaku, varhangeri va ‘Regional’ vafanele ku hlawuriwa mavito yanharhu va ma rhumela eka varhangeri va xifundzhakulu,” ku vula Bisikopo Makamu.
“…kutani hina tanihi varhangeri va Xifundzhakulu hi yisa mavito wolawo eka varhangeri va Rixaka, leswaku va ta kota ku ‘interview’ va hlawuriwa,” Makamu a engeta.
Endzhaku ka ku dlayiwa Meyara Moses Maluleke, Meyara Shandrick Maluleke u thoriwile tani hi meyara wa nkarhinyana, loyi a nga nyikiwa ntirho wo rhangela masipala eka nkarhi lowu wo tika.
Ku thoriwa ka meyara wa nkarhi hinkwawo eka Masipala wa Collins Chabane ku languteriwile ku tisa vukorekeri hi xitalo lebyi nga ta tisa ku cica eka vaaki va le ka collins Chabane.
Ku tinyiketela ka vandla ra ANC eka ku cinca ka vurhangeri swi kombisa ku tinyiketela ka vona eka vanhu va Collins Chabane na ku tiyimisela ka vona eka ku lulamisa mitlhontlho leyi masipala wu langutaneke na yona.
Loko nh’weti yi kha yi fika emakumu, vaaki va Collins Chabane va ta va va rindzele hi mahlo-ngati xitiviso xa ximfumo xa meyara lontshwa, loyi a nga ta tlanga xiave xa nkoka eku vumbekeni ka vumundzuku bya Masipala wa Collins Chabane.
