Muehleketeleriwa U Khomiwile hi nandzu wo pfinya emugangeni wa Phaweni
Muehleketeleriwa wa xinuna wa makume mbirhi n’we wa malembe hi vukhale u languteriwile ku ya emahlweni ka khoto ya Saselamani hi Ravunharhu, 08 Hukuri 2023, endzhaku ka mhangu yo pfinya leyi nga humelela hi ti 06 Hukuri 2023 emugangeni wa Phaweni.
Muhlaseriwa, nhwanyana wa khume-ntsevu wa malembe hi vukhale, a ri yexe ekaya ra yena a ri karhi a hlaya loko muehleketeleriwa wa xinuna loyi a nga tivekiki a nghena endlwini hi matimba.
Muvulavuleri wa Maphorisa eLimpopo Hlulani Mashaba u Vula leswaku, “Muehleketeleriwa u pfinyile muhlaseriwa a nga si baleka hi milenge na riqingho ra muhlaseriwa,”
“Muhlaseriwa u sale a titivarile endzhaku ka mhangu leyi,” Ku engeta Mashaba.
Nandzu wu pfuriwile eXitichini xa Maphorisa xa Saselamani naswona xitichi xihatla xi nsimeka mpfhumba ro hlota muehleketeleriwa.
Muehleketeleriwa u khomiwile hi Ravumbirhi, 07 Hukuri 2023. Docket ya nandzu yi hundziseriwe eka Malamulele Family Violence, Child Protection, and Sexual Offences Unit ku ya emahlweni na vulavisisi.
