Wanuna a Tlhaveteriwa A Lova
VUWANI – Maphorisa eVuwani va karhi no lavisisa nandzu wo dlaya endzhaku ka loko ku hehliwa leswaku wanuna wa makume mbirhi ntlhanu wa malembe hi vukhale u tlhaviwile a lova hi nchumu wo kariha etlhelo ka xitarata eLwamondo Ha Gelebe hi awara ya nhungu nimixo hi Sonto, November 19, 2023, kwalomu ka awara ya 03: 00.
Maphorisa ya tsutsumerile xibedlhele xa Tshilidzini enzhaku ka ku lumiwa ndlheve naswona loko va fika, va kume muhlaseriwa wa xinuna a ri na xilondza xo tlhaviwa emirini wa yena wa le henhla.
Muvulavuleri wa maphorisa exifundzheni Hlulani Mashaba u vula leswaku, “loko maphorisa va fika exibendlhele ku vikiwile leswaku muhlaseriwa u hundzile emisaveni.” Loko Mashaba a ya emahlweni u vurile leswaku “Endzhaku ka sweswo maphorisa ya sungurile hi ku hlota vaehleketeleriwa lava nga tivekiki.”
“Un’wana na un’wana loyi a nga na vuxokoxoko lebyi nga pfunetaka ku khomiwa ka vaehleketeleriwa u komberiwa ku tihlanganisa na nomboro ya Crime Stop 08600 10111 kumbe xitichi xa maphorisa xa le kusuhi kumbe MySAPSApp.” Ku vula Muvulavuleri wa Maphorisa Mashaba.
“Vulavisisi bya maphorisa byi ya emahlweni”, ku ngimeta Brigadier Hlulani Mashaba
Maphorisa ya vula leswaku vuxokoxoko byi kombisa leswaku mufi u tiveka tanihi Funanani Mulaudzi.
