Swigevenge swi phanga eka Malamulele Crossing

Wanuna wa makume nharhu mbirhi wa malembe hi vukhale loyi a lawulaka nhlangano wa swa timali u phangeriwile hi vavanuna vanharhu lava a va hlomile hi swibalesa, mhangu yi humelerile eMalamulele Crossing.

Kuvikiwa leswaku, vaehleketeleriwa va tekile makhadi ya 8 ya vaxavi, lawa ku nga tivekiki leswaku ya na ntsengo wo tanihi kwihi, va baleka.

Mhangu leyi yi vikiwile eMaphorisa ya ka Malamulele naswona ya pfule milandzu yo phanga munhu a hlomile.

Muvulavuleri wa maphorisa eLimpopo Hlulani Mashaba u vule leswaku “maphorisa ya sungurile ku hlota vanhu vaehleketeleriwa eka mhangu leyi,”

Maphorisa ya kombela Un’wana na un’wana loyi a nga na vuxokoxoko lebyi nga endlaka leswaku vaehleketeleriwa va khomiwa a ti hlanganisa na maphorisa eka nomboro leyi 0860010111, kumbe vaendzela xitichi xa maphorisa xa le kusuhi, kumbe eka MySAPSApp.

Vulavisisi bya maphorisa eka mhangu leyi byi ya emahlweni.