Vaaki Va Teka Nawu Va Wu Veka eMavokweni

Hi Ntsakisi Gracia Chauke 

Vaaki va muganga wa Menele ehandle nyana ka Malamulele va kombisa ku vilela hi vugevenga lebyi ya ka emahlweni byi andza emugangeni wa vona. Ku hehliwa leswaku vanhu lava endlaka vugevenga byo yiva tinhundzu ta vanhu I vaakelani va kwalahaya mugangeni naswona I vanhu lava tivekaka kambe a ku le ku endliweni nchumu hi swona.

Hi siku ra vu 23 nyenyankulu 2024, vaaki lava hlundzukeke va tale na switarata laha va nga nghena muti na ximutana va ri karhi va hlotana na vanhu lava hehliwaka hi vugevenga byo yiva emugangeni luwa. Laha vaehleketeleriwa va nga pona ri ahlamile loko van’wana va himeteriwa no sala va vavisekile swinene.

Leswi swi landzela timhangu to hlaya ta ku yiviwa ka nhudzu, laha ku nga viyiwa exiphazeni xa muhlampfa, exikolweni xa ti ndzumulo ku nga ‘crèche’, xikan’we na le mimitini yo hlaya. Hi Ravunharhu wa siku ra vu 27 nyenyankulu 2024, vaakatiko va ka menele va vile na nhlengeletano wa xiviju erivaleni ra mintlangu ra ndhawu liya endzhaku ka loko ku tlheriseriwile mubedo lowu a wu yiviwile emutini wo karhi.

Kuhehliwaa leswaku muehleketeleriwa u tsutsumerisiwile exitichini xa maphorisa ya ka malamulele , vaaki va hehla leswaku muehleketeleriwa u ntshunxiwile hi maphorisa ya vula leswaku a nga na nandu, kasi leswi hi swona swi hlundzukiseke vaaki.

Un’wani wa muaki loyi a nga kombela ku nga tiviwi  u vule leswaku tani hi vaaki va muganga wa Menele va karhele ku tshamela ro yiveriwa hi vanhu lava  nga kulela ematihlweni ya vona, vanhu lava na vona ku nga vaaki va muganga wa Menele. Laha va fambaka va yiva.

Xikala vito u vule leswaku va landzile un’wani wa muehleketeleriwa laha va nga fika va kuma swibelani/ tinguvu to hlaya, kasi endzhaku ka sweswo muehleketeleriwa u himeteriwile swinene laha a nga  sala a nga ha vonaki. Ku vuriwa leswaku ku ta khomiwa nhlengeletano wa xiviju nakambe hi siku ra vu ntsevu dzivamisoko 2024