Bodo yi bakanyela tlhelo swihehlo swo Mala FM yi vuyini emoyeni

MALAMULELE – vuhaxi bya xiyani-moya i xiphemu xa nkoka xa vuhlanganisi bya vuhangalasi bya mahungu lexi nga na malembe xi ri kona. I xitirhisiwa xa matimba lexi tirhelaka swikongomelo swo hambana-hambana, ku sukela eka vuhungasi ku ya eka dyondzo ni ku hangalasa rungula kumbe Mahungu. Hambiswiritano, Ku na magoza yo hlaya lawa ya faneleke ku landzeleriwa ku tiyisisa leswaku xitichi xa xiyani-moya xi fambisana na nawu naswona xi lunghekele ku nghena emoyeni.

Mutshama-xitulu wa huvo ya Malamulele Community Radio Station kambe yi tiveka swinene tanihi Mala FM 101, Michavi Hasani, u kanetanile na swihehlo swa leswaku Mala FM yi le Moyeni nakambe. U vurile leswaku i ku navela ka vanhu van’wana leswaku xiyani-moya xi tlhelela emoyeni hi ku copeta ka tihlo, kambe leswi a swi koteki handle ko landzelela magoza lama lavekaka manawu.

Xin’wana xa swilo swa nkoka leswi switichi swa xiyani-moya swi faneleke ku swi namarhela i ku kuma tilayisense leti lavekaka ku kota ku haxa. EAfrika-Dzonga, switichi swa xiyani-moya swi fanele ku va na tilayisense timbirhi kumbe ku tlula, ku nga layisense ya ICASA na SENTECH.

Tatana Michavi tanihi mutshama-xitulu , u boxe leswaku a va na swiphiqo na va-ICASA naswona va nga kuma layisense ya nkarhinyana ya vuhaxi leyi va nyikaku mpfumelelo wo haxa ku ringana masiku ya 45, naswona  endzhaku ka ku hela ka masiku lawa yi nga pfuxetiwaka nakambe tanihi leswi va nga kolotiku nchumu eka ICASA.

“Xiphiqo xa hina lexikulu i xa va-SENTECH, tanihi leswi a hi nga hakeli Mali ya swilaveko malembe lawa yanga hundza, hi va kolota kwalomu ka mali yo ringana miliyoni wa tirhandi. Hi burisanile na vona ku kondza va vula leswaku hi fanele ku hakela Mali yo ringana R300 000 leswaku hi kota ku tlhelela emoyeni, Kasi mali leyi n’wana hi ta yi hakela n’hweti na n’hweti,” ku vula Mutshama-xitulu Ttn Michavi.

“Eka Karhi wa sweswi, hi rhumele xikombelo xa layisense ya nkarhinyana eka ICASA, leyi tirhaka masiku ya 45 tanihileswi hi yi kongomisaka eka xiendlakalo [Event ya] xa ti 16 ta khotavuxika. Hi ku ya hi vutivi bya mina tanihi mutshama xintulu wa bodo, layisense ya hina ya nkarhinyana a yi si humesiwa kumbe ku vuya,” ku engetela Mtshx: Ttn Michavi.

hambi loko va nga kuma layisense ya nkarhinyana, va ta ha fanela ku hakela va-SENTECH Mali ya R300,000 leswaku va ta va na mpfumelelo wo tirhisa xihondzo xa vona xa ndhuma xa 94.5 MHz, handle ka swona xihondzo lexi vataxi komba hi tintiho.

Ttn Michavi u vule leswaku huvo yi karhi ndzo endla matshalatshala yo hlengeleta mali, leswaku yi ta hakela va-Sentech. Hambiswiritano, sweswi a va na yona mali. Ku engetela kwalaho,Mtshx Michavi u boxe leswaku ku na lava va tiyimiseleke ku hakela R300 000 eka SENTECH hi ku yimela MALA FM, kambe ehandle ka xikombelo xin’we ku nga leswaku swirho swa Huvo swi fanele ku rhanga swiva komba layisense ya ICASA leyi va yimeleke mbuyelo wa kona kusuka eka karhi wa sweswi.

Mutshama-Xitulu wa huvo u tiyisisile leswaku huvo yi ta thola munhu loyi a tshembekaka naswona a nga na ku twisisa lokukulu ka tirho wa yena naswona a nga ta hamba a vona leswaku wa landzelela milawu hambi ku ri ku hakela tiMali, leswaku va nga ha ti kumi vari ka xiyimo xo fana na lexi, loko swo endla va tlhelela emoyeni lani va nga na ku tshemba leswaku va ta tlhelela.

Tatana Michavi u yile emahlweni a vule leswaku wa switiva leswaku ka karhi wa sweswi ku na vuhaxi bya inthanete bya MALA FM, kambe huvo yi lava leswaku Mala FM yi vuyela emoyeni, leswaku munhu u n’wana na un’wana eka hansi ka Masipala wa Collins Chabane a ta kota ku yingisela naswona mahala handle ko lava data.

Mutshama-xitulu wa bodo, Ttn Michavi u ngimetini hi ku vula leswaku vale makungugwini yo endla xikombelo xa liyisense ya ntlhanu wa Malembe na ICASA loko karhi wo endla swikombelo swa tilayisense wu fika.