Ku Pfuna ka Mirhi ya Xintu

Timitsu kumbe Swimilani switirhisiwile kuringana malembe xidzana ku tlakusa rihanyo na ku horisa eka mindhavuko yohambana hambana eka tikonkulu hinkwaro ra Afrika. MiMirhi ya ndzhavuko yitirhisiwa ku tshungula mavabyi na swiyimo swohambana hambana, kukatsa na swiphiqo swa ku gayela swakudya, mavabyi ya ku hefemula, swiyimo swa nhlonge na swin’wana.

Mimirhi ya xintu yina ti levele tale henhla ta swihlanganisi swofana na ti polyphenols hambi ku ri ti flavonoids, leswinga vikiwa kuva swihunguta ku pfimba naku sirhelela ti cells eka ku onhaka loku vangiwaka hi ti free radicals, leswi swi tiyisisiwa hi vulavisisi byo hambana hambana.

Mutshunguri wa xintu Kokwani Gezani u vurile leswaku “, mirhi ya xintu yina swiaki swa matimba swa antimicrobial na antiviral compounds, leswi pfunetaka ku lwisana na mavabyi. Xikombiso, murhi wa sinya wa ndenga, wa tirhisiwa ku horisa swilodza loko u wu kandzile wu va mapa”

Swimilani swotala ku fana na Murhi wa Pelargonium sidoides wa tirhisiwa eka mirhi ya xintu, wu kombisiwile kuva na ntirho wo lwisana na switsongwatsongwana eka nxaxamelo wa switsongwatsongwana swa tibakteriya na switsongwatsongwana swa mukhuhlwana, leswi swi tiyisiwa kahle hi Cathy wong loyi a tirhaka tani hi Nutritionist and wellness expert.

Ndlela yin’wana leyi mimirhi ya xintu yi swiendlaku I ku hlohletelaka ku horisa, hi vuswikoti bya yona bya maendlelo ya ntumbuluko loko swita ka miri yo susa chefu. Swimilani kumbe timitsu to tala tina swihlanganisi leswi hlohlotelaka xivindzi na tinso, leswi pfunetaka ku humesa chefu na swin’wana leswinga na khombo emirini.

Ku engetela eka switirhisiwa swa mirhi wa xintu, Timitsu hambi ku ri swimilani switala kutirhisiwa hikokwalaho ka nkoka wa swona wa moya na ndzhavuko. Mindhavuko yo tala ya le Afrika yi tshemba leswaku swimilana swi ni xivumbeko xa moya lexi nga pfunaka ku endla leswaku ku va ni ku ringanisela ni ku twanana emirini ni le mianakanyweni.

Hiku angarhela, timitsu na swimilani swinyika ndlela ya ntumbuluko leyi tirhaka ku tlakusa rihanyo na ku horisa. Kunga khathariseki leswaku yitirhisiwa eka mirhi ya xintu kumbe tani hi xiphemu xa maendlelo ya manguva lawa yo angarhela eka nhlayiso wa rihanyo, Timitsu na swimilani leswi swina matimu yo leha ya kutirhisiwa naswona swiya emahlweni swinyika rifuwo ra mbuyelo eka lava vaswi tirhisaka.