Maqhinga yo Sivela COVID – 19 ya Nkarhi wo Leha

Ku sukela siku ro sungula COVID-19 yi vangile mpfilumpfilu eka ndzhawulo ya Rihanyo emisaveni hikwayo. Lani swinga endla leswaku switandzhaku swa xihatla swa vuvabyi lebyi swiva swi vulavuliwa ku tlula mpimo.

Ka karhi wa sweswi vativi va sayense va kumile leswaku vuvabyi lebyi bya swikota ku tshama ka munhu karhi woleha hambi a kumile vutshunguri kumbe ku hola endzhaku ka ku khomiwa hi byona leswi swi vuliwa leswaku “long term effects” hi xinghezi.

Post-Acute Sequelae of SARS-CoV-2 infection SARS-CoV-2 (PASC), kumbe PASC, yi Kota ku kombisa swikombiso swo hambana hambana leswi phikelelaka eka munhu ku ringana mavhiki kumbe tinhweti, leswi swiva kona endzhaku ka ku khomiwa hi vuvabyi bya COVID-19.

Swikombiso swa ku komba leswaku, u khomiwile hi ntungu wa COVID – 19, naswona hi leya nkarhi wo leha, u ta vona hi ku karhala, ku hefemula hi ku nonoka, ku vava ka mahlangano, ku karhateka emiehleketweni na swinwana.

Megan Hosey, PhD a rehabilitation psychologist, u vula leswaku swobiha swona hi swikombiso leswi hiswaku swinga hoxa xandla hi ndlela yo biha eka vutomi bya munhu bya siku na siku.

Ku Onhaka ka Swirho: COVID-19 yi nga endla leswaku swirho swa munhu swo hambana hambana swi onhaka ku ringana karhi wo leha, leswi swinga katsa, mbilu, mahahu, tinso, hambi kuri byongo.

“Loko u pfimba ku ringana nkarhi wo leha na loko ngati ya wena yi oma endzhawini yinw’e hi nkarhi wa xiyenge xa acute swi nga hoxa xandla eka ku ntumbuluxa vuvabyi lebyi byi nga tshungulekiki, byo tanihi pulmonary fibrosis, myocarditis xikanwe ni swiphiqo swa misiha, ” ku vula Megan Hosey.

Kambe ku na tindlela leti munhu a fanelaka leswaku a ti tshenga hi tona leswaku a ta ti ponisa eka vu vabyi lebyi bya COVID 19. Tindlela ta kona hi leti ti landzelaka:

1. Ku Kuma murhi wa nsawutiso: hikuya hi vulavisisi bya sayense, ku nsawutisa i ndlela leyi tirhaka swinene loko swita ka ku sivela mavabyi yo tika ku suka eka xitsongwatsongwana xa COVID-19 naswona nsawutiso wa swikota ku hunguta khombo ra switandzhaku swa nkarhi wo leha.

“Nsawutiso wu hlohletela masocha ya miri ku lemuka na kulwa na xitsongwatsongwana lexi hambi ku ri swigungumana swinwanyana, naswona nsawutiso wa swi kota kule hunguta ku hangalaka ka vuvabyi lebyi byo tika, ku vula Amanda Morrow, M. D A specialist in physical medicine and rehabilitation.

2. Ku namarhela Magoza ya Rihanyo ra Mani na Mani: Ku ya emahlweni na ku namarhela magoza ya rihanyo ra vaaki, ku fana na ku ambala swisirhelelo, na ku titoloveta ku hlamba mavoko karhi na karhi, swi nga pfuna ku sivela ku tluleriwa hi xitsongwatsongwana.

Maendlelo yo Kota ku lulama kumbe ku hola loko u tluleriwile hi xitsongwatsongwana lexi, hileswaku u fanele ku endla leswi,

1. Ku Langutisisa Vutshunguri:

Vanhu lava holaka eka COVID-19, ngopfu ngopfu lava nga hlangana na ku tluleriwa lokukulu, va fanele ku kamberiwa nkarhi na nkarhi eka swa vutshunguri ku langutisisa matirhelo ya swirho swa vona, ku katsa na rihanyo ra mbilu na mahahu.

Leswi swinga pfuna hikuva vaongori va nga kota Ku hatla va Kuma xitsongwatsongwana lexi naswona, ku kumiwa ka xona ka ha ri na nkarhi swi nga pfuna ku lawula swiphiqo swihi na swihi leswi u nga langutana na swona.

Naswona, Vuyelo bya miehleketo bya COVID-19 a byi fanelanga ku honisiwa.

“Ku fikelela vukorhokeri bya rihanyo ra miehleketo na tinetiweki ta nseketelo i swa nkoka eka vanhu lava lwisanaka na ku vilela, ntshikilelo wa mianakanyo, vuvabyi bya ntshikilelo wa le ndzhaku ka mhangu (PTSD),” ku engeta Hosey.

“kumbe swiyimo swin’wana swa rihanyo ra miehleketo leswi fambelanaka na ntungu lowu. Ku lava mpfuno wa xiphurofexinali swi nga tlanga xiave xa nkoka eku tlakuseni ka ku tiyisela na ku hola,” ku vula Hosey.

Switandzhaku swa nkarhi wo leha swa COVID 19 swi tekiwa tanihi ntlhontlho lowukulu swinene, Hi ku twisisa switandzhaku leswi nga vaka kona swa nkarhi wo leha, vaongori va hlohlotela leswaku vanhu va tirhisa tindlela to sivela, na ku amukela magoza lama faneleke ku tekiwa eka gondzo ra ku horisa.

Nsawutiso, ku namarhela magoza ya rihanyo ra vaaki, ku vekiwa tihlo ka swa vutshunguri, ku vuyisa, na nseketelo wa rihanyo ra miehleketo hinkwaswo i swiphemu swa nkoka eka nyimpi leyi yo lwisana na vuyelo lebyi nga heriki bya ntungu lowu.