Tindlela to Hunguta Thyaka eMugangeni wa Wena
Tanihi leswi pulanete ya hina yi langutaneke ni mintlhontlho leyi andzaka ya mbango, i swa nkoka swinene ku teka magoza yo hunguta thyaka ni ku sirhelela swilo swa hina swa ntumbuluko. Recycling i yin’wana ya tindlela leti tirhaka swinene to hunguta thyaka na ku hlayisa switirhisiwa hambi ku ri mbango, kambe ku na magoza man’wana lawa hi nga ma tekaka evuton’wini bya hina bya siku na siku ku hunguta ku khumbeka ka hina eka thyakisa mbango.
Recyling i endlelo ro hundzula swilo leswi thyakeke kumbe swa khale leswaku swi va swilo leswintshwa, naswona swi hoxa xandla swinene eku hunguteni ka nhlayo ya thyaka leri hetelelaka ri ri eka tindhawu leti ku cukumetiwaka thyaka.
Hi ku tlhela hi tirhisa swilo swo tanihi maphepha, tipulasitiki, tinghilazi na swinwana, hi nga hlayisa swilo swa ntumbuluko, hambi ku ri ku hunguta ku humesiwa ka tigasi leti vangaka ku hisa emisaveni no tlhela hi hlayisa eneji[Matimba].
Ku engetela eka Recyling, ku na tindlela tin’wana to tala to hunguta thyaka emigangeni ya hina. Goza rin’wana ro olova i ku hunguta “Reduce” nhlayo ya thyaka leri hi ri cukumetaka kumbe ku lahla. Leswi swinga fikeleriwa hiku tirhisa minkwama ya khale leyi tirhisiwaka, mabodlhela makhale, na swibye swi nwana swa kahle, mi nga rivali na ku endla manyoro hi thyaka ra le jarateni kufana na mahlanga ya mavele.
Tom Szaky, CEO wa TerraCycle, khamphani ya ‘Recycling’ u vurile leswaku, “ hi ntolovelo wa yena, kwalamo ka 50% wa leswi u swi cukumetaka eka swilo swo chela thyaka a swi se tshama swi ‘recycled’. Swi tekiwa swi cukumetiwa tsena.”
Goza rin’wana ra nkoka i ku lahla kumbe kucukumeta kahle thyaka leri nga ni khombo ro tanihi tibetiri, switirhisiwa swa elektroniki hambi kuri tikhemikhali. Swilo leswi aswi fanelanga swi lahleriwa endhawini yin’wana na yin’wana yo cukumeta thyaka, tani hileswi swinga tisaka nxungeto lowukulu eka mbango na rihanyo ra vanhu.
Swirho swa vaaki swi nga tlhela swi nghenelela eka matshalatshala yo hunguta thyaka lawa ya endliwaka emugangeni wun’wana na wun’wana. Leswi swi nga katsa ku nghenelela eka minongonoko yo vuyisa swilo leswi nga tirhisiwa, hambi kuri ku rhwalela swikotela leswaku vaya mpimisa.
ku hunguta thyaka na ku hlayisa switirhisiwa i vutihlamuleri bya un’wana na un’wana. Hi ku teka magoza lamantsongo eka vutomi bya hina bya siku na siku na ku tirha swin’we tanihi vaaki, hi nga endla ku hambana lokukulu eku sirheleleni ka pulanete ya hina eka tinxaka leti taka.
