Artificial Intelligence (AI) yi Hundzula Vutomi bya Siku na Siku

SCIENCE – Artificial Intelligence (AI) yile ku hundzuleni ka tiindasitiri hikwato leti tinga kona ehansi ka dyambu, ku suka eka nhlayiso wa rihanyo na timali ku ya eka vumaki na vuxavisi. Nhluvukiso wa sweswinyana eka thekinoloji ya AI wu endla leswaku yi fikeleleka swinene no va na nkucetelo, leswi endlaka leswaku mabindzu ya kota ku antswisa vukorhokeri,no nyika vaxavi ntokoto wo tlula karhi lowu wu nga hundza.

Xin’wana xa swilo leswi tsakisaka swinene eka AI i ku tlakuka ka ku dyondza hi muchini, naswona leswi i rhavi ra AI leri pfumelelaka tikhompyuta ku antswisa eka ntokoto wa tona,handle ko phurogiremiwa hi munhu kumbe mutirhisi wa yona.

Loko hi ta ka ndzawulo ya rihanyo kumba eka nhlayiso wa rihanyo, AI yi tirhisiwa ku xopaxopa swifaniso swa vutshunguri na datha ya vavabyi ku kuma swivumbeko na makhombo lama nga vaka kona ya rihanyo. Leswi swi endle leswaku ku va na swikambelo leswi kongomeke swinene na tipulani ta vutshunguri leti nga ta endliwa tiva leto kongoma, leswi swi ta endla leswaku ku hlayisiwa mali yo tala hi ndzawulo.

Eka swa timali, AI yi hundzula ndlela leyi tibangi na swivandla swa timali swi tirhaka ha yona. Tialgorithm ti tirhisiwa ku kuma vukanganyisi, ku vhumbha mikhuva ya makete, na ku endla swiboho swa vuvekisi hi ku tirhisa michini yo hambana hambana. Leswi swi endle leswaku ku va na tisisiteme ta tibangi leti tirhaka kahle no sirheleleka, xikan’we na ku engeteleriwa ka mfikelelo wa vukorhokeri bya swa timali eka vaaki.

Hi ku ya hi xiviko xa AI in banking xa insider Intelligence, vunyingi bya tibangi (80%) ti lemuka swipfuno leswi nga vaka kona leswi swi nga tisiwa hi thekinoloji ya AI.

“Yin’wana ya timhaka ta nkoka swinene hi AI eka swa timali i vuswikoti bya yona byo sivela vuxisi na nhlaselo wa inthanete. Vaxavi va lava tibangi na vukorhokeri byin’wana bya swa timali lebyi nyikaka tiakhawunti leti sirhelelekeke, ngopfungopfu loko swita ka ku xava hi ku tirhisa inthanete,” leswi swi vikiwile hi phepha-hungu ra Insider Intelligence.

Kasi loko hi nghena ka indasitiri ya vumaki “Manufacturing”, AI yi tirhisiwa ku antswisa vulawuri bya khwalithi, na ku engetela vuhumelerisi. Tialgorithm loko swita ka vumaki yi [nga] kambisisa datha ku suka eka michini ku kuma timhaka leti nga vaka kona ti nga si humelela, leswi swi nga pfuna eka ku hunguta nkarhi wo yima, hi kuva swita antswisa vukorhokeri hinkwabyo.

Loko kuri ka vuxavisi kona, AI yi tirhisiwa ku endla leswaku ntokoto wa vaxavi wu va wa kahle, hambi ku ri ku antswisa loko swita ka ku xava na ku xavisa. muchini lowu wu kumekaku evhengeleni wu nga kambisisa datha ya vaxavi ku kota ku vona leswaku I yini xi xaviwaka ngopfu leswaku yi ta kota ku swi “recommender” eka vaxavi va karhi lowu taka.

Loko thekinoloji ya AI yi ya emahlweni yi hluvuka, hi nga langutela ku vona switirhisiwa swo tala swa vutumbuluxi eka tiindasitiri hinkwato. Hambiswiritano, i swa nkoka ku xiya leswaku AI a yi pfumali mintlhontlho, tanihi leswi yi nga nyikaka mbuyelo wo ka wu ngari wona.