Tik Tok i Xihlovo xa Vutivi ku Vula Vatirhisi
Eka xivandla xa swihangalasamahungu, TikTok yi humelerile tanihi pulatifomo leyi cinca-cincaka na ku hundzuluxa ndlela leyi hi tirhisaka na ku tumbuluxa swilo ha yona. Hi xivumbeko xa yona xa ku endla tivhidiyo to koma, TikTok yi swi kotile ku ko ka rinoko na miehleketo ya vanhu vo tlula timiliyoni emisaveni hinkwayo.
Lexi hambanisaka TikTok i vuswikoti bya yona byo nyika matimba eka vatirhisi ku tiphofula hi vutumbuluxi, loko yi ri karhi yi kurisa vuhlanganisi na vuxaka exikarhi ka vatirhisi va yona.
Nyiko Maluleke u n’wana wa vatirhisi va Tik Tok u ri, “TikTok yi ndzi nyikile canvas yo kombisa titalenta na ku navela ka mina hi tisekoni ta 60 ntsena.” Loko a ya emahlweni u vula leswaku “ Swi fana na xiteji xa xiviri laha ndzi nga kotaka ku tsakisa vanhu hi ku cina, ku yimbelela, hambi ku ri kuva hlekisa.”
Ku saseka ka TikTok ku le ka ku olova ka yona tanihi leswi vatirhisi va nga kota ku rhekhoda, ku hlela ‘Edit’ ni ku avelana tivhidiyo ta vona handle ko tikeriwa, leswi endlaka leswaku va kota ku ringeta mianakanyo ni tinhloko-mhaka to hambana-hambana.
Ku olova loku ka ku tirhisiwa ka yona ku pfule ndlela eka nhlayo yo tala ya ti-trends na ti-challenges leti tinga hangalaka na misava.
“Ndzi dyondza swilo swintshwa siku na siku eka TikTok. Kungava ku tidyondzo ta ririmi, kumbe tinhlayo na sayense na swinwana. Tik tok i xihlovo xa vutivi.” Ku vula Miehleketo_27 eka Tik tok.
Nkucetelo wa TikTok wu tlula vuhungasi ntsena naswona yi hundzukile ndhawu yo endla Macheleni eka vanhu lava va nga ti influencers, vatshila hi ku angarhela xikanwe na van’wamabindzu.
Vuyelo bya yona eka vuyimbeleri, fexeni na swin’wana hi lebyinene, leswi endlaka leswaku yi va xihlovo xa mali eka vanhu van’wana.
Vuyelo bya TikTok tanihi xihangalasamahungu hi lebyinene naswona byi cincile ndlela leyi vanhu a va ntumbuluxa ha yona ti-content, hambi ku ri ku ntumbuluxa nyiko ya vanw’wana vanhu.
