Nkoka wa Dyondzo ya Sayense

SCIENCE- Dyondzo ya Sayense i ya nkoka swinene emisaveni ya namuntlha. Loko hi ri karhi hi titshega ngopfu hi thekinoloji evuton’wini bya hina bya siku na siku, i swa nkoka leswaku hi va na ku twisisa ka xisekelo ka misinya ya milawu ya sayense leyi nga endzhaku ka xona. Migingiriko ya dyondzo ya sayense yi kongomisa ku tlakusa ku twisisa loku hi ku nyika switirhisiwa na minkarhi eka swichudeni na vaaki hi ku angarhela.

Yin’wana ya mimpfuno ya nkoka ya migingiriko ya dyondzo ya sayense hi leswaku yi pfuneta ku tlakusa vuswikoti byo ehleketa hi vukheta. Sayense yi katsa ku vutisa swivutiso, ku endla swibumabumelo ni ku kambela swiringanyeto.

Hi ku nghenelela eka vulavisisi bya sayense, swichudeni swi dyondza ndlela yo xopaxopa datha na ku fikelela emakumu naswona swi ri na vumbhoni. Vutshila lebyi a hi bya nkoka eka sayense ntsena, kambe na le ka swiyenge swin’wana swo tala swa vutomi, ku fana na ku endla swiboho hambi kuri ku xopaxopana na swiphiqo.

Kasi Mutsari Emmaline Soken-Huberty u tshamile a kombisa leswaku u tshemba leswaku sayense a hi ku ntumbuluxa swilo swa thekinoloji ntsena. kambe yi nga ku dyondzisa tindlela to ehleketa niku twisisa.

“Loko u dyondza sayense, u dyondza ndlela yo hlela ni ku kambisisa rungula ro karhi notlhela u dyondza ndlela yo kuma leswaku hi swihi swiphemu swa rungula leswo tshembeka hambi kuri leswi lavekaka,” ku tsala Mutsari wa sayense Emmaline Soken-Huberty.

“Vutivi bya sayense byi nyika vuswikoti byo twisisa na ku tirhisa miehleketo hambi kuri milawu ya sayense leswaku u kota ku xopaxopa na ku tlhantlha swiphiqo, kasi leswi I swa nkoka swinene tanihileswi hi langutaneke na mintlhontlho ya misava hinkwayo yo fana na ku cinca ka maxelo na mintungu,” a gimeta.

Tanihileswi hi langutaneke na mintlhontlho emisava hinkwayo yo fana na ku cinca ka maxelo na mintungu leyi yi ntumbulukaku kufana na Corona Virus. Migingiriko ya dyondzo ya sayense yi nga pfuna ku hlomisa vanhu hi vutivi na vuswikoti lebyi lavekaka ku lulamisa mintlhontlho hambi kuri ku lwa na yona.

Loko hi vekisa eka dyondzo ya sayense tanihi tiko, hi nga pfuneta ku tumbuluxa vaaki lava nga na vutivi na ku nghenelela eka ku antswisa mintlhontlho ya nkarhi wa sweswi hambi lowu taka.