Mphikizano Wa Tinhlayo Wa Rixaka Wu Tshinele Eka Nhlohlorhi wa Yona
Pretoria – Ntsako wu karhi wa vonaka tanihileswi Mphikizano wa Tinhlayo wa Rixaka wa ndhuma wu fikelelaka nhlohlorhi ya wona, laha rhengu ro sungula na ra vumbirhi ri fikeke emakumu, naswona vamaki va tirha hi matimba ku maka maphepha lawa.
Mphikizano lowu, lowu hleriweke hi SAFM hiku tirhisana na AMESA, wu kongomisiwile ku kombisa vutshila bya tinhlayo bya vadyondzi lava humaka eswikolweni swo hambana hambana etikweni hinkwaro.
“Se rhengu ro sungula na ra vumbirhi ra mphikizano wa tinhlayo ri ngimetiwile, naswona hi khomekile hi ku maka maphepha,” ku vula muvulavuleri wa SAFM Marisa Louws.
Loko a kombisa nkoka wa mphikizano, u engetele a vula leswaku, “Hi kuma swikolo hi ku tirhisana AMESA, kambe i swa nkoka ku xiya leswaku mphikizano lowu ngopfungopfu wu kongomisiwile eka vadyondzi hi voxe,”
“Wu va nyika pulatifomo yo kombisa vuswikoti bya vona bya tinhlayo,” ku engeta Marisa.
“Hinkwavo lava tirhaka kahle eka tinhlayo va ta xiximiwa hi nkarhi wa nkhuvo lowu nga ta va kona Hlangula 2023,” ku paluxa Marisa. “I nkhuvo wa nkoka laha ntirho wa vona wo tika, ku tinyiketela, na vutlhari bya vona swi nga ta amukeriwa no hoyozeriwa.”
Endlelo ro hlawula ri lava vanga tirha kahle rita ntikisiwa leswaku vata kuma swichudeni leswi swinga tirha kahle, ku suka eka tigiredi to hambana, loko vaha langutanile na rhengu ra vunharhu leri ngata humelela hi ti 26 Mawuwana 2023.
Kuvikiwa leswaku swikolo leswi swi welaka eka Q1& Q2 a swi hakeli mali yo ti tsarisela loko swi tsakela ku nghenelela eka mphikizano lowu Kasi Q3 & Q4 swa hakela.
