Augmented Reality na Virtual Reality swihundzula Vutomi bya Vanhu
Pretoria – Augmented Reality (AR) na Virtual Reality (VR) swi hundzule ndlela leyi hi vonaka na ku tirhisa swilo ha yona. AR yi ndlandlamuxa vutivi bya Hina loko swita eka swilo swa xidigitali tanihi laha yi hi hundzulaka xifaniso leswaku xivonaka ku ri xa xiviri.
Hi hala tlhelo, VR yi nghenisa vatirhisi eka tindhawu leti va tsakelaka kuva ka tona Kambe vari mimitini ya vona hambi kuri ti hofisini ta vona.
Mbonye Vincent,u vurile leswaku “Hi nga tirhisa Augmented reality tanihi xitirhisiwa xa nkoka loko swita ka ku dyondzisa swichudeni eswikolweni,” a vula leswi hi nkarhi wa “breakout session” hi siku ro sungula ra STEMI Khonferense ePitori.
“Leswi swinga endla leswaku vadyondzi va oloveliwa ku tlula loko vatirhisa swipele eswikolweni.” Ku engeta Mbonye.
Vincent Mbonye na Raeesa Ebrihim ku suka eka Xikolo xa Dyondzo xa Mancosa va nyikeleke nkanelo wa vona ku ya hi Virtual reality, Augmented Reality, tirhoboto, xikanwe na ku khoda, loko swita ka ku hundzula dyondzo eAfrika-Dzonga hi siku leri.
Loko hi languta eka xiyenge xa dyondzo, AR na VR yi ndlandlamuxa tindlela ta dyondza tanihi leswi swi nyikaku mintokoto yintshwa ya dyondzo naswona Swichudeni swi nga kambisisa tindhawu ta matimu, hambi ku ri dyondzo ya swikambelo swa sayense.
Loko swita ka ndzawulo ya rihanyo, AR na VR swi tirhisiwa ku letela vaongori na vatirhi va swa vutshunguri, leswaku va ta kota ku endla vuhandzuri, na ku antswisa mimbuyelo ya vavabyi.
Ku tlakuka ka Augmented Reality na Virtual Reality swi pfulela ndlela ya nguva leyintshwa ya swilo leswi nga kotekaka. Ku suka eka ku hundzula dyondzo na nhlayiso wa rihanyo ku ya eka ku hundzula ntokoto wa vaxavi na ku tlakusa vuhumelerisi, thekinoloji leyi yi na vuswikoti byo vumba hi vuntshwa tiindasitiri to hambana.
