Ronnie A ta Na Makungu Yo Lwisana na Xiphiqo xa ti Potholes eAfrica-dzonga
Soshanguve- Eka ku humelela loku hlamarisaka loku tiseke ku tinyungubyisa eka vaaki va ndhawu, Ronnie Masindi, khale ka xichudeni xa Giredi ya 12 lexi nga na vuswikoti kusuka eka xikolo xa Soshanguve Automotive SOS, u hlurile eka mphikizano wa ndhuma wa Eskom Expo lowu khomeriweke eHodela ya Birchwood hi N’wendzamhala 2022.
Phurojeke ya Ronnie, leyi kongomisiweke eka ku lulamisa xiphiqo xa magondzo lexi hangalakeke na tiko ra Afrika-Dzonga, yi n’wi endlile leswaku a kuma mendlele ya nsuku xikanwe na basari.
Ronnie eka karhi wa sweswi u endla lembe ra yena ro sungula eYunivhesiti ya Vaal, lani a dyondzelaka civil engineering.
“Loko swi ta eka vuhlayiseki emagondzweni ya hina, ndzi kumile leswaku swigoja-gojani (potholes) i yin’wana ya swivangelo leswikulu eka timhangu emagondzweni,” Ku vula Ronnie Masindi.
Eskom Expo, I mphikizano lowu vantshwa va laha tikweni va hlanganaka kona va endla ti Phurojeke leti tingata kota ku lulamisa swiphiqo leswi tiko ri langutanaka naswona.
Naswona phurojeke ya Ronnie hi yona Yi nga tlhomiwa risiva eka mphikizano wa N’waxemu.
Magondzo lama taleke hi ti potholes ma tisa ku vilela lokukulu eka vachayeri va mimovha eAfrika-Dzonga, kasi loko ku ri ntlhantlho wa vutlhari wa Ronnie wu kombisa ku tinyiketela ka yena ku endla ku hambana loku vonakaka eka phurojeke ya Yena.
“Xikongomelo xa mina akuri ku endla xivumbeko lexingata tirhisiwa tani hi xintshuxo xa nkarhi hinkwawo, naswona ndzi endlile ndzavisiso lowu heleleke eka ku twisisa thiyori yo aka ya patu na switirhisiwa leswi tirhisiwaka ku aka patu,” ku vula Ronnie.
“ Hi nkarhi wa ndzavisiso wa mina, ndzi kume leswaku xivangelo lexikulu xa ti potholes hi loko mati ma nghena eka leyara ya asphalt, ku nga ndhawu leyi timovha ti famba kona,” ku vula yena.
“Ndzi lave swiaki swo hlawuleka ni swiphemu leswi ndzi faneleke ndzi swi tirhisa ku ndlandlamuxa ku ntiya ka asphalt leswaku yi ta kota ku hanya nkarhi wo leha. Leswi i nkatsakanyo wa swiengeteri swa mina Polyvinyl chloride, Crumb rubber na Vegetable Oil,” ku engetela Ronnie.
Phurojeke leyi yi vile na nkucetelo lowunene swinene eka vutomi bya Masindi hikuva yi n’wi paluxe misava ya Vuinjhiniyere, leyi ku nga laha ku navela ka yena ku nga kona.
