Limpopo SALGA yi Xixima Nghwazi ya laha kaya eka Masipala wa Collins Chabane

Share the News

Eka ku xixima eka khale ka Meyara wa Masipala wa Collins Chabane, BigMoss Maluleke, nhlangano wa mfumo wa miganga wa Afrika Dzonga wa Limpopo South African Local Government Association (SALGA) wu tivise ku cinca lokukulu hi nkarhi wa nkhuvo wa vona wa masagwadi vusiku bya tolo.

Nhlangano wu tivisile leswaku Ku sukela lembe leri taka, nkhuvo lowu wa ndhuma wu ta rhwala vito ra murhangeri loyi a xiximiwaka emugangeni wa Collins Chabane, ku ri ndlela ya ku xixima ndzhaka ya yena na ku hoxa xandla ka yena eka vaaki.

BigMoss Maluleke, munhu la rhandzekaka exifundzheni lexi, u siye mfungho lowu nga heriki hi vutirheli bya yena byo tinyiketela eka ku antswisa vaaki va collins Chabane. Ku hundza emisaveni ka yena ku tsekatsekise vaaki, na ku siya xivandla lexi nga ta tika ku xipfala eka malembe lama taka.

Hambiswiritano, ku tsundzukiwa ka yena, ku ta hanya hi laha ku nga heriki tanihi leswi masangwadi ya SALGA ya nga ta vitaniwa vito ra yena, “BigMoss Maluleke SALGA”.

Xiboho xo thya masagwadi lawa i vumbhoni bya vurhangeri bya Maluleke lebyi nga xikombiso na ku tinyiketela loku nga tsekatsekiki eka vutirheli bya mfumo. Hi ku namarheta vito ra yena eka nkhuvo lowu, SALGA yi kongomisa ku xixima na ku hlohlotela tinxaka ta nkarhi lowu taka ku landzelela mikondzo ya yena.

Loko va vulavula eka nkhuvo lowu, vayimeri va SALGA va kombisile ku tsakela ka vona lokukulu eka Maluleke na ku kandziyisa nkoka wo xixima ndzhaka ya yena. Va kombisile ku navela ka yena eka nhluvukiso wa vaaki na matshalatshala ya yena yo lava ku tlakusa vutomi bya vaaki.

Xitiviso lexi xi hlangane ni ku phokotela ka mavoko lokukulu ni nseketelo lowu humaka eka lava a va ri kona, lava va xi tekeke tanihi ku xixima loku faneleke eka wanuna loyi a tinyiketeleke vutomi bya yena ku tirhela van’wana.

Loko ku sungula malunghiselelo ya masagwadi yo sungula ya BigMoss Maluleke SALGA, ku langutela ku le henhla exikarhi ka vaaki. Xiendlakalo lexi xi tshembisa ku va ku tlangela vutomi na ndzhaka ya Maluleke, xikan’we na nkarhi wo lemuka na ku xixima ku humelela loku xiyekaka eka vulawuri bya miganga.

Eka ku thya masagwadi hi vito ra BigMoss Maluleke, SALGA yi tiyisisile leswaku moya wa yena wu ta ya emahlweni wu hlohlotela no kongomisa tinxaka ta nkarhi lowu taka ta varhangeri eLimpopo.

Mathunse Hlukani

Hlukani Mathunse is a talented journalist and media professional with a passion for storytelling and community engagement. He graduated from the University of Venda with a degree in Media Studies, where he honed his skills in writing, research, and multimedia production. During his studies, Hlukani began his career as a broadcaster at the Malamulele community radio station, where he quickly made a name for himself as a dynamic and engaging on-air personality. He developed a strong following among local listeners, who appreciated his thoughtful reporting and insightful commentary on a wide range of topics. In 2023 March, Hlukani joined the team at Nthavela newspaper as a journalist, where he has continued to excel in his craft. He has covered a diverse range of stories, from local politics and social issues to arts and culture. Throughout his career, Hlukani has demonstrated a deep commitment to serving his community and giving a voice to the voiceless. He is widely respected for his professionalism, integrity, and dedication to journalistic excellence, and is considered one of the rising stars in South African media.

Leave a Reply

Your email address will not be published. Required fields are marked *