Nandzu wo Dlaya Senzo Meyiwa Wu Sungula Hi Vuntshwa Na Muavanyisi Lontshwa; Mbhoni Yo Sungula Ya Mfumo Yi Ta Paluxiwa
Eka ku cinca lokukulu eka ku tengiwa ka nandzu wo dlaya Senzo Meyiwa lowu nga emahungwini swinene wu languteriwile hangalasiwa ku sungula hi vuntshwa namuntlha hi awara ya khume nimixo.
Leswi swi ta endzhaku ka ku yimisiwa ka muavanyisi wa khale Tshifhiwa Maumela, leswi nga endla leswaku muavanyisi lontshwa Ratha Mokgoatlheng a teka vulawuri eka nandzu lowu.
Loko khoto yi ri karhi yi rhurhumela hi ku langutela, xivutiso lexi nga emiehleketweni ya un’wana na un’wana hi lexi: i mani loyi a nga ta va mbhoni yo sungula ya mfumo?.
Ku dlayiwa ka Senzo Meyiwa, mutlangi wa bolo ya milenge wa Afrika-Dzonga loyi a rhandzekaka na khale ka mukaputeni wa xipano xa rixaka, swi hlamarisile rixaka khale hi 2014 loko mahungu yakwe ya ku dlayiwa ya hangalaka.
Nandzu lowu wu tekile malembe ku tengiwa leswi swi siyeke ndyangu wa yena, vanghana na vaseketeri va yena va rindzerile leswaku kuva na vululami ku ringana kwalomu ka khume ra malembe.
Ku sungula hi vuntshwa ka nandzu lowu ku tshembiwa leswaku ku ta Paluxiwa ntiyiso na ku nyika rixaka tshembo nakambe Loko swita ka vululami.
Ku tshembiwa leswaku mbhoni yo sungula eka nandzu lowu yi ta veka thoni leyinga ta koka rinoko ra vaaki va tiko leri. Ku languteriwile ngopfu leswaku mfumo wu ta humesa mbhoni leyi nga kombisaka leswaku ku humelerile yini loko ku ta dlayiwa Meyiwa.
Ku tengiwa ka nandzu ku languteriwe ku landzelela endlelo ra vukheta na leri heleleke, ku kambisisa vumbhoni hinkwabyo lebyi nga kona, vumbhoni bya timbhoni, na nxopaxopo wa vativi.
Xikongomelo i ku endla xintshuxo lexi khorwisaka lexi nga ta tisa vululami eka ndyangu wa ka Meyiwa na varhandziwa va yena.
Ku thoriwa ka muavanyisi lontshwa swi tisa langutelo lerintshwa na matimba lamantshwa eka nandzu. Ku cinca loku ku nghenisa ntshembo eka nandzu lowu no pfuxa ripfumelo ra leswaku ntiyiso wu ta humela erivaleni.
Loko nandzu wu sungula hi vuntshwa, tiko ri hlalela hi ku hefemula lokukulu, ri hisekela ku vona mavhilwa ya vululami ma ri karhi ma famba nakambe. Hambi leswi ndlela leyi nga emahlweni yi nga ha vaka yo leha no tika, xitshembiso xa tinhlamulo eka ndyangu wa ka Meyiwa na vanhu va Afrika-Dzonga swi le ku fikeleleni.
Mahlo ya rixaka ya kongomisiwe ekhoto, hi ntshembo wa leswaku ndzima leyi yintshwa eka nandzu wo dlaya Senzo Meyiwa yi ta yisa eka ntiyiso na vululami lebyi a byi rindzeriwile khale.
