Thekinoloji yi Hundzula Ndlela Leyi Hi Hanyaka Ni Ku Tirha Ha Yona

SCIENCE – Ku suka eka ku ndlandlamuxa tiindasitiri ku ya eka ku hundzula vutomi bya siku na siku, ku hlanganisiwa ka tikhodi na tirhoboto swi hundzula ndlela leyi hi hanyaka na ku tirha ha yona.

Coding swi vula endlelo ro endla swiletelo, leswi hi ntolovelo swi tiviwaka tanihi khodi, leswi tikhompyuta ni tirhoboto ti nga swi landzelaka leswaku ti endla mintirho yo karhi. Swi katsa ku tsala tialgorithm na swileriso hi ku tirhisa tindzimi ta programing.

Hi hala tlhelo, Robotics i ntirho lowu katsaka ku endliwa ka tirhoboto, ku akiwa ni ku tirhisiwa ka tona. Simba Mhandu ku suka eyunivhesiti ya Joni u te, “Robotics yi hlanganisa vuinjhiniyere bya michini, vunjhiniyara bya gezi, na sayense ya tikhompyuta ku tumbuluxa michini leyi nga tirhisanaka na mbango hambi kuri ku endla mintirho hi ku tiyimela kumbe ehansi ka vulawuri bya vanhu”,

“Vuxaka exikarhi ka tirhoboto na ku khoda hileswaku tirhoboto yin’wana na yin’wana yi fanele ku va yi phurogimiwile ku endla ntirho wo karhi,” ku vula Tatana Simba Mhandu hi nkarhi wa breakout’s session eka khofarese ya STEMI epitori.

Ku hlanganisiwa ka coding na robotics swi khome vuswikoti lebyikulu byo vuyerisa vaaki hi tindlela to hambana. Ndhawu yin’wana ya nkoka ku ngava tiindasitiri ni vumaki, laha tirhoboto leti hlomisiweke hi minongonoko ya khodi tiboheka ku endla leswi tinga lerisiwa swona.

“Ku na swilo swinharhu leswi vumbaka tirhoboto, leswi swi katsa ku nghenisa(input), process na ku humesa(output).Xikombiso xa output hinga fananisa na temperature sensor,” ku vula Tatana Simba Mhandu.

Hi ku nghenisa tidyondzo ta ku khoda na tirhoboto eka ndzawulo ya dyondzo, swichudeni swi nga hluvukisa miehleketo ya swona leswaku swi kota kuva na vutivi bya ku tlhantlha swiphiqo.

“Ku khoda na tirhoboto swi nga ha tirhisiwa na le ka ndzawulo ya swa vurimi, tanihi leswi tirhoboto tinga ha endlaka mintirho leyi lavaka vatirhi votala kufana naku byala naku tshovela, tinga engetela vukorhokeri,” KU engeta Simba.

“Ti nga ha tlhela ti tirhisiwa eka ndzawulo ya Rihanyu, tanihi leswi ti nga kotaka ku pfuneta vulavisisi bya swavutsunguri hambi ku ri ku endla vuhandzuri,” ku ngimeta Simba.

Ku hlanganisiwa ka tikhodi na tirhoboto ku nghenise nguva leyintshwa ya nhluvuko wa thekinoloji, xikanwe na ku vuyerisa vanhu, na tiindasitiri hi ku angarhela.