N’wana a Kumiwa a Chukumetiwile
N’wana wa nhwanyana loyi a ha ku velekiwaka u ponisiwile endzhaku ko chukumetiwa ekusuhi na ndhawu ya mintlangu eMbuzini.
MPUMALANGA – Eka mhangu leyi tsemaka nhlana, vaaki va Mbuzini ehandle ka Nelspruit, eMpumalanga va sale va ri na ku chava, leswi swita endzhaka ka loko kutava ku kumiwile n’wana wa nhwanyana loyi a ha ku velekiwaka a Chukumetiwile ekusuhi na rivala ra mintlangu, hi Sonta 6 Mhawuri 2023.
N’wana loyi u kumiwile hi ntlawa wa vana, lowu a wu ri karhi wu ntlanga bolo, KU vikiwa leswaku vana lava va vonile pulasitiki leyi a yi pfulekile loko vayi tshunelele va kumile leswaku kuna ricece endzeni ka yona.
Hi ku ya hi swiviko Vana lava, va hatle va tsutsuma va ya lava mpfuneto eka vanhu lavakulu lava nga ekusuhi naswona ku hlamula ka vona hi xihatla ku hoxe xandla swinene eku tiyisiseni ka vuhlayiseki bya n’wana.
Hikuya hi mbhoni ya le kusuhi loko Maphorisa ya nga se fika lani a kuri na Mhangu leyi, vaaka tiko va tekile magoza ya xihatla yo ntshunxa endzeni ka pulasitiki, naswona ambulense yi vitaniwile hi xihatla leswaku yi ta nyika n’wana vukorhokeri bya vutshunguri bya xihatla.
“Matshalatshala ya kongomisiwile eka ku hlengeleta vumbhoni byihi na byihi lebyi nga kona lebyi nga tisaka ku khomiwa ka muendli wa Mhangu leyi na ku tiyisisa vululami eka n’wana loyi a nga riki na nandzu,” ku vula Sgt Sipho Shekwa.
Mhangu leyi yi pfuxe ku hlundzuka na ku sola ku suka eka vaaki, laha va koxaka magoza ya xihatla ya ku sirhalela vana lava va nge le khombyeni.
Maphorisa ya kombele vaaki ku va pfuna ku lava manana wa n’wana, leswaku a ta pfaleliw. Loko uri na vuxokoxoko mayelana na laha manana wa n’wana a nga kona, hi kombela u tihlanganisa na Sgt Sipho Shekwa eka 0721193487.
