Meyara Maluleke a pfula Tiphurojeke Timbirhi Ximfumo
Eka goza ra nkoka ro antswisa vutomi bya vaaki, Meyara Shadrack Maluleke wa Masipala wa Collins Chabane u simekile tiphurojeke timbirhi to hlamarisa leti tshembisaka ku tlakusa vuhlayiseki bya vaaki na ikhonomi ya ndhawu.
Meyara sungurile hi ku nyika ximfumo switolo leswintshwa swa Makete eka Xitlhelani, ku langutana na ndhawu ya Masingita Crossing.
Meyara Cllr Shadrack Maluleke u hundzisele ku tlangela ka yena lokukulu eka un’wana na un’wana loyi a nga hoxa xandla eka ku akiwa ka ndhawu leyi ya Makete.
Meyara, U kandziyisile ku tinyiketela ka masipala eka ku ndlandlamuxa vutomi bya vaxavisi lava nga riki na ndhawu ya vuhlayiseki bya kahle, hikuva nyika tindhawu leti xiximekaka eka mabindzu ya vona.
Meyara Maluleke u hlohlotele vavuyeriwa ku hlayisa switolo leswi, a va hlohlotela ku amukela vutumbuluxi na ku hoxa xandla eka nhluvukiso wa ikhonomi ya laha kaya.
Phurojeke ya vumbirhi leyi nga nyikeriwa ximfumo tolo i ndhawu ya vuhangasi ya vaaki (Phaki) va le hansi ka Masipala wa Collins Chabane. Phaki leyi a hi ndhawu yo tlangela eka yona ntsena.
vaaki va nga tinyungubyisa hi switirhisiwa swo hambana-hambana swa vuhungasi, ku katsa ni ti- slide set, swi-swing swimbirhi, swilayidi leswi rhendzelekaka, mabenci ya le phakeni, swihambukelo ni switandi swa braai.
Kuvikiwa leswaku Switirhisiwa leswi swi vekiwile ku tlanga xiave xa nkoka eka ku tumbuluxa ndhawu yo hungasela eka yona eka vaaki.
Meyara Shadrack Maluleke u kandziyisile nkoka wo hlayisa phaki leyintshwa na ku yi tirhisa ntsena eka swikongomelo swa vuhungasi.
U kombele vanhu va ka Malamulele ni le tindhawini leti nga ekusuhi leswaku va khathalela swinene xuma lexi. Meyara Maluleke, u swivekile erivaleni leswaku ” ndhawu leyi ya phaki, a hi ndhawu ya vanhu va le ka Malamulele ntsena; yi wela eka vaaki hinkwavo va Masipala wa Collins Chabane.”
Tiphurojeke leti timbirhi ti kombisa xikombiso xa ku tinyiketela ka masipala eka ku tumbuluxa khwalithi ya vutomi byo antswa eka vaaki va yona na ku kurisa ku kula ka ikhonomi.
